Юнескогийн Монголын Үндэсний комиссоос алслагдсан бүс нутгийн зарим сумдын сургуулиудад хичээл, сургалтын үйл ажиллагааг тасралтгүй зохион байгуулахад зориулж техник тоног төхөөрөмжийн дэмжлэг үзүүлснийг Боловсролын ерөнхий газраас тухайн сургуулиудад гардуулж өгчээ.
2023-2024 оны хичээлийн жилд нийт 16 аймгийн 130 сум цагаан зудтай байсан. Зарим аймаг, сумдад төмөр зуд удаан хугацаагаар үргэлжилж, хаваржилт хүндэрсэн бөгөөд энэ нь алслагдсан бүс нутгийн сургууль, малчдын хүүхдүүдэд хүндээр тусаж, хичээл, сургалтын үйл ажиллагаа тасалдахад хүрсэн.
Боловсролын судалгааны үндэсний хүрээлэн, НҮБ-ын Хүүхдийн сангийн дэмжлэгээр Онцгой байдлын ерөнхий газар, Гамшиг судлалын хүрээлэнтэй хамтран хичээл, сургалтын үйл ажиллагаанд зудын үзүүлсэн нөлөөг Монгол улсын хэмжээнд 2024 онд анх удаа судалсан юм.
Судалгаагаар 14 хоногоос дээш хугацаагаар хичээлээс завсардсан хүүхдүүд байсан. Эдгээр хүүхдүүд хичээлээсээ агуулгын хувьд хоцрогдсон, хоцрогдлыг ямар хугацаанд яаж нөхсөн, дараагийн хичээлийн жилд ямар үр дагавартай байсан гэдгийг нарийвчлан тогтооход амаргүй юм. Иймд сургуулийн сургуулийн бэлэн байдлыг хангахад дэд бүтэц, техник хэрэгсэл, цахим сургалтын хөтөлбөр, бие даан ажиллах дасгал даалгавар зэрэг олон зүйлс хэрэгтэй байсан юм.
Сэтгэгдэл (0)
Сэтгэгдэл бичигдээгүй байна