Элсэлтийн болон Монгол хэл, бичгийн шалгалтын бүртгэл орон даяар явагдаж байна.
Монгол хэл, бичгийн шалгалтын бүртгэл 2025 оны гуравдугаар сарын 14-ний өдрийн 18 цаг хүртэл үргэлжлэх юм.
Нэг онцлог нь энэ жилийн хувьд 10, 11 дүгээр ангийн суралцагчид Монгол хэл, бичгийн шалгалтыг өөрсдийн хүсэлтээр өгөх боломжтой болсон. Энэ тохиолдолд шалгалтын бүртгэлийн хураамж 10 мянган төгрөгийн төлбөрийг эцэг эх, асран хамгаалагч хариуцна. Харин 12 дугаар ангийн сурагчид уг шалгалтад үнэ төлбөргүй хамрагдана.
Шалгуулагч БҮТ-ийн eec.mn/eyesh.eec.mn/ цахим хаяг руу хандан бүртгүүлэхдээ:
● Иргэний үнэмлэх болон түүнтэй адилтгах баримт бичиг /иргэний үнэмлэхийн лавлагаа, гадаад паспорт, цагдаагийн үнэмлэх, мөн гадаадын иргэний Монгол Улсад оршин суух түр үнэмлэх /
● Өнгөт цээж зураг /цээж зураг нь 3*4 хэмжээтэй, сүүлийн 3 сарын дотор авхуулсан, урагшаа цэх харсан, арын фон нь цайвар цулгуй өнгийн, нарны шил болон малгайгүй байна/
● Бүх банкны интернэт гүйлгээ хийх эрхтэй төлбөрийн карт
● Шалгуулагч бүр зөвхөн өөрийн и-мэйл хаягаар бүртгүүлнэ.
Хөгжлийн бэрхшээлтэй иргэн болон тусгай сургуулийн суралцагч элсэлтийн шалгалтад хамрагдахаар бүртгүүлсэн бол Боловсролын үнэлгээний төвд:
● Өргөдөл хүсэлт
● Эмчийн магадалгаа
● Сургуулийн тодорхойлолт ирүүлсэн байна.
Монгол хэл, бичгийн шалгалт
4 дүгээр сарын 18 /Баасан гараг/
4 дүгээр сарын 19 /Бямба/ гараг
Шалгуулагчид шалгалт өгөхдөө:
• Бүртгэлийн хуудас
• Суудлын хуваарь
• Иргэний үнэмлэх болон түүнтэй адилтгах баримт бичиг /Иргэний үнэмлэх авах насанд хүрээгүй буюу 2025 оны 6 дугаар сарын 1-ний өдрөөс хойш 16 насанд хүрэх шалгуулагч сурч буй сургуулийн захирал эсвэл өөрийн оршин сууж буй орон нутгийн Засаг даргын гарын үсэг, тамгаар баталгаажсан, сүүлийн 3 сарын дотор авхуулсан өнгөт цээж зурагтай тодорхойлолт, төрсний гэрчилгээний хамт авч ирнэ./
• Бүрэн дунд боловсролын үнэмлэх, түүнээс дээш боловсрол эзэмшсэнийг гэрчлэх баримт бичиг бүрдүүлж ирэх юм байна.
Сэтгэгдэл (0)
Сэтгэгдэл бичигдээгүй байна