АНУ-ын цэргийн шинжээч, чөлөөнд гарсан дэд хурандаа Даниел Дэвис сэтгүүлчид өгсөн ярилцлагадаа бүрэн эрх нь 2024 оны тавдугаар сард дууссан Украйны ерөнхийлөгч Владимир Зеленскийн үйлдлийг нацист Германы удирдагч Адольф Гитлерийнхтэй харьцуулсан байна. Уг ярилцлагын хэсэг нь твиттерт 2025 оны хоёрдугаар сарын 10-нд тавигджээ.
Тэрбээр Зеленский цэрэг, дайны үйл ажиллагаа явуулж байгаа учраас шүүмжлэгдэх ёстой гэсэн байна. Украйны ерөнхийлөгч цэргүүдээ ялах боломжгүй ажиллагаанд илгээснийг Дэвис нэмж хэлээд Северодонецк, Лисичанск, Мариуполын тулааныг жишээ болгон дурджээ.
"Эдгээр тохиолдол бүрт тэр дэндүү удаан хүлээсэн. Оросын цэргүүд хотын хязгаарт гүн орж ирсэн нь тодорхой болмогц дараагийн хамгаалалтын шугам руу ухрахаас өөр аргагүй байсан. Эцсийн эцэст оросууд тэдэнд хүрнэ гэдэг нь тодорхой байсан тул тэд ухарч, дараагийн хамгаалалтын шугамыг барих хэрэгтэй байсан. Гэтэл тэр зүгээр л байрандаа үлдэж, Дэлхийн хоёрдугаар дайны төгсгөл дэх Гитлер шиг ганц ч инч ухарсангүй. Цэргийн хүчээ буцааж татахын оронд тэнд нь үлдээснээр цэргүүд нь үрэгдсэн” гэж Дэвис хэлжээ.
Цэргийн мэргэжилтэн мөн хэрхэн тулалдахыг сурч мэдэж туршлагажсэн цэргүүд үрэгдсэнээр зөв довтолгоо, хамгаалалт хийх чадвар үгүй болж, дахиад л шинэ хүмүүсийг элсүүлж, бүх зүйлийг тэгээс эхэлдэг гэж шүүмжилсэн байна.
Сэтгэгдэл (0)
Сэтгэгдэл бичигдээгүй байна