Жаран зорчигч, дөрвөн багийн гишүүнийг тээвэрлэж явсан АНУ-ын агаарын тээврийн онгоц Вашингтонд АНУ-ын армийн Black Hawk нисдэг тэрэгтэй агаарт мөргөлдөж осолдсон.
Хоёр онгоц унасан Потомак голоос олон цогцос олдсон гэж нэрээ мэдээлэхийг хүсээгүй эх сурвалж хэлсэн ч хохирогчдын тоог нарийн мэдээлэхгүй байна. Орон нутгийн цагаар 7.30 цагт сэтгүүлчдэд мэдээлэл хийх аж. Аврах ажиллагаанд 300 орчим анхан шатны тусламж үзүүлэгч ажиллаж байгаа юм байна. Потомак гол ойролцоогоор 8 метр гүн бөгөөд орон нутгийн цагаар 21 цагийн орчимд онгоц унасан байна
Онгоц Канзас мужийн Вичитагаас хөөрсөн бөгөөд АНУ-ын уран гулгалтын удирдах зөвлөл уран гулгалтын аварга шалгаруулах тэмцээнтэй холбогдуулан зохион байгуулагдсан үндэсний хөгжлийн аялалд оролцсоныхоо дараа тамирчид, дасгалжуулагч, гэр бүлийн гишүүд онгоцонд суусан талаар хэлжээ.
Оросын мэдээллийн хэрэгслүүдээр уран гулгалтын алдарт тамирчид, 1994 оны дэлхийн аварга Евгения Шишкова, Вадим Наумов нар тус онгоцонд явж байсан талаар мэдээлсэн байна. Хосууд АНУ-д амьдарч, тамирчдыг дасгалжуулж байсан юм. Кремлийн албан ёсны төлөөлөгч Дмитрий Песков Евгения Шишкова, Вадим Наумов нар сүйрсэн онгоцонд байсан нь "батлагдсан" гэж хэлжээ. Мөн "Тэнд манай бусад иргэд ч бас байсан.” гэсэн байна.
Ерөнхийлөгч Дональд Трамп ослоос "урьдчилан сэргийлэх ёстой байсан" гэж мэдэгджээ. Ослын талаар шалгалтын ажиллагаа тэр даруй эхлүүлсэн юм.
Хэвлэлийнхний мэдээлж буйгаар онгоц хэд хэдэн хэсэг болон хуваагдсан. Гэхдээ доош унасан ч харьцангуй бүтэн харагдаж байна гэсэн байна. Шумбагчид сүйрсэн онгоцноос нэг хар хайрцаг олсон гэж мэдээлж байна.
Сэтгэгдэл (0)
Сэтгэгдэл бичигдээгүй байна