БНСУ-ын Юн Сок Ёлыг амралтын өдрүүдэд албан ёсоор баривчилсныхаа даара Сөүлийн хорих төвд ганцаарчилсан өрөөнд шилжүүлсэн байна.
Сөүлийн баруун дүүргийн шүүх түүнийг баривчлах тушаал гаргасны дараа ням гаригт Юныг Сөүлийн өмнөд хэсэгт орших Уйван дахь хорих төвийн 12 м.кв талбайтай өрөөнд шилжүүлжээ.
“Сэжигтнүүдийн хорих өрөөнөөс хорих ерөнхий өрөөнд шилжүүлсэн бөгөөд шөнийг сайн өнгөрүүлсэн гэсэн мэдээ хүлээн авсан" гэж БНСУ-ын Засан хүмүүжүүлэх албаны ерөнхий комиссар Шин Ён Хэ мэдэгдсэн байна.
Түүний хэлснээр ихэвчлэн тав, зургаан хүн багтдаг Юнгийн байгаа өрөө нь өмнөх ерөнхийлөгчдийн хоригдож байсан өрөөнүүдтэй хэмжээний хувьд төстэй гэнэ.
Мөн тэрбээр Ерөнхийлөгч Юнг баривчлахдаа зураг авах, бие махбодын үзлэгт орох зэрэг албан ёсны журмуудыг танилцуулж, түүний дагуу ажилласан, аюулгүй байдлыг нь хангах зорилгоор тусгайлан ажилтан томилсон гэжээ.
Түүнчлэн дэмжигчид нь баривчлагдсан ерөнхийлөгчийг чөлөөлөхийг оролдох зэрэг арга хэмжээ авч магадгүй тул цагдаагийн болон Ерөнхийлөгчийн аюулгүйн албатай хамтран ажиллаж байгаагаа мэдэгдсэн байна.
Сэтгэгдэл (0)
Сэтгэгдэл бичигдээгүй байна