Канадын Стивен Хейнинг болон модель Сиара Антовски нар усан доор хамгийн гүнд хийсэн загварын зураг авалтаараа Гиннесийн амжилтыг 2024 оны 12 дугаар сарын 19-нд шинэчилжээ. Гиннесийн шинэ амжилт тогтоохдоо усанд 49.8 метр /163.38 ft/гүнд загварын зураг авсан байна.
Модель Сиара Антовски түүний зурагт гол үүрэг гүйцэтгэжээ.
Ийнхүү зураг авах нь маш олон хүний хүч хөдөлмөрөөр бүтдэг бөгөөд зураглаач, загвар өмсөгчөөс гадна аюулгүй байдлын мэргэжилтэн, мөн техникийн тал дээр ажилласан олон хүнтэй баг энэ ажлын ард гарахад хэрэг болсон байна.
АНУ-ын Флорида мужид сүйрсэн Атлантик /Hidro Atlantic/ хөлөг онгоцны тавцан дээр зураг авахаар тэд шийджээ.
Зургийг авахаас өмнө ялангуяа усан дотор баггүй байх модель Сиарагийн хувьд аюулгүй байдлын сургалт тун ч их шаардлагатай байсан бөгөөд бүтэн жилийн дадлага, сургуулилт хийсэн гэнэ. Хүйтэн далайн гүнд даашинзтай, шумбах тоног төхөөрөмжгүйгээр зураг авахуулах нь тэсвэрлэхэд туйлын хэцүү зүйлийн нэг ч зураг авалт амжилттай болж өнгөрсөн байна.
Багийнхан аюулгүй байдлыг дээд зэргээр хангаж, урьдчилан сэргийлэх олон арга хэмжээ авч, үйл ажиллагаагаа нарийн төлөвлөжээ. Шумбах газрыг тойрон эргэлдэж байсан аварга загас ч бас санаа зовоосон зүйлийн нэг байсан гэнэ. Гэвч бүх зүйл төлөвлөсний дагуу үр дүнд хүрч, тэд Гиннесийн амжилтыг шинээр тогтоож чадсан юм.
Тэд өмнө нь хоёр ч удаа энэ төрөлд Гиннесийн амжилт тогтоож байсан байна.
Сэтгэгдэл (0)
Сэтгэгдэл бичигдээгүй байна