Батлан хамгаалахын сайд С.Бямбацогт өөрийн цахим хуудастаа Монголын ард түмний хайрлан хүндэлдэг Хөдөлмөрийн баатар, Ардын жүжигчин П.Цэрэндагва эр цэргийн алба хааж буй байлдагч нарт эх оронч үзэл, тусгаар тогтнол зэрэг өргөн сэдвээр лекц уншихаар болж буй талаар бичжээ.
С.Бямбацогт "Үхэж үл болно” киноны Жамуха зэрэг олон түүхэн бүтээлийн дүрээр нь таних Монгол Улсын Хөдөлмөрийн баатар, Ардын жүжигчин П.Цэрэндагва гуайтай уулзаж, батлан хамгаалах салбарынхаа 2025 оны бодлого, зорилтын талаар яриа өрнүүллээ.
Энэ 2025 оныг батлан хамгаалах яам “Эх оронч Монгол-Их сэргэлтийн жил” болгон зарласан.
Үндэсний сөрөн тэсвэрлэх чадавхыг нэмэгдүүлэх, эх оронч үзлийг төлөвшүүлэх бодлого, зорилтынхоо хүрээнд Хөдөлмөрийн баатартай хамтран ажиллахаар ярилцлаа.
Эх орны хүү болохоор эр цэргийн албаа хааж байгаа байлдагч нарт маань П.Цэрэндагва гуай эх оронч үзэл, хандлага, элгэн садан, эцэг эхээ хайрлан хүндэтгэх, хүн байхын утга учир, мөн чанар эх орон, тусгаар тогтнол, үндэсний дархлаа гээд өргөн сэдвээр лекц унших юм.
Буурлаас үг сонс гэсэн эртний сайхан үг байдаг даа. Хөдөлмөрийн баатар маань өнөө жил 77 нас хүрч байгаа ч хөнгөн шингэн гэж жигтэйхэн байна аа." гэсэн байна.
Сэтгэгдэл (0)
Сэтгэгдэл бичигдээгүй байна