Бразилын гэлэнмаа Ина Канабарро Лукас Японы Томико Итокаг нас барсны дэлхийн хамгийн өндөр настай хүн болжээ. Томико 2024 оны 12-р сарын 29-ний шөнө Хёго мужид асрамжийн газарт ертөнцийн мөнх бусыг үзүүлсэн байна.
Дэлхийн хамгийн өндөр настай хүн болсон Ина 1908 оны 6 сарын 8-нд Бразилийн Рио Гранде ду Сул мужид Жоао Антонио Лукас, Мариана Канабарро Лукас нарын гэр бүлд төржээ.
Ина хүүхэд байхдаа маш туранхай байсан учраас олон хүн түүнийг насанд хүрнэ гэж боддоггүй байсан гэнэ.
Тэрбээр 1928 онд сургууль төгсөөд Уругвай руу сүмд гэлэнмаа болохоор явсан. Хоёр жилийн дараа 1930 онд Бразилд буцаж ирээд Рио де Жанейрод нэгэн сургуульд португал хэл, математикийн багшаар ажилласан. Ина багшаар олон газарт, хэдэн арван жил ажилласан байна.
Ина 16 наснаасаа шашны үйл хэрэгт оролцож, 26 настайдаа 1934 оны 7-р сарын 27-нд гэлэнмаа болох тангараг өргөсөн байдаг. Тэрбээр 2018 онд 110 насны төрсөн өдрөөрөө Ромын пап Францисаас төлөөлөгчийн адислал хүлээн авчээ.
Ина дэлхийн хамгийн өндөр настан болсон хоёр дахь гэлэнмаа болж байна. 18 насандаа ертөнцийн мөнх бусыг үзүүлэх хүртлээ дэлхийн хамгийн өндөр настан байсан Андре эгч хэмээн бас нэрлэгддэг Люсиль Рандон мөн гэлэнмаа байсан юм.
Ина Канабарро 1908 онд төрсөн дэлхий дээр байгаа цор ганц хүн, 1900-аад онд төрсөн гурван хүний нэг болж байна.
Сэтгэгдэл (0)
Сэтгэгдэл бичигдээгүй байна