Ерөнхий боловсролын сургуулийн ахлах ангийнханд санхүүгийн боловсрол олгох LEVEL-UP хөтөлбөрийн сургалт 2025 оны 1 дүгээр сарын 15-ны өдрөөс 6 дугаар сарын 15-ны хооронд болно. Сурагчид санхүүгийн боловсролын үндсэн ойлголтуудыг мэдэж, өдөр тутмын санхүүгээ зохистой төлөвлөх, зарцуулалтаа хянах, эрсдэлээс урьдчилан сэргийлэх, хамгаалах аргад суралцах замаар мэргэжил сонголтынхоо эзэн байж санхүүгийн зөв соёл, зан үйлд суралцахад дэмжихэд чиглэгдсэн тус хөтөлбөрт Улаанбаатар хотын 6 дүүрэг, Говь-Алтай, Ховд, Орхон, Булган аймгийн ерөнхий боловсролын сургуулийн ахлах ангийн 5000 сурагчид хамрагдах юм. УИХ-ын даргын Ажлын алба, Монгол банк, Боловсролын ерөнхий газар, Булган аймгийн Засаг даргын Тамгын газар, Боловсролын газар,Орхон аймаг дахь Монгол банкны хэлтэс хамтран зохион байгуулж буй тус хөтөлбөрийн “Хувийн санхүүгээ удирдах” сэдэвт сургалтад Булган аймгийн ерөнхий боловсролын сургуулийн ахлах ангийн 350 гаруй сурагч, сургагч багш бэлтгэх сургалтад т хөтөлбөр хэрэгжих сургуулиудын багш нар тус тус хамрагдаж байна.
Сэтгэгдэл (1)