БНТУ-ын Истанбул хотод 2024 оны 12 дугаар сарын 5-8-ны өдрүүдэд болсон 33 дахь удаагийн Ой тогтоолтын тэмцээнд Монгол Улсын шигшээ багийн 32 тамирчин амжилттай оролцож, 11 цом, тэмцээний 90 медалиас 27 алт, 27 мөнгө, 26 хүрэл, нийт 80 медаль хүртэж, багаараа үнэмлэхүй ялалт байгууллаа.
Дэлхийн 21 орны чансаа өндөр 101 шилдэг тамирчин харааны болон сонсголын ой тогтоолтын 10 төрлөөр гурван өдөр өрсөлдсөн уг тэмцээнд манай тамирчид Олон улсын шүүгч, дасгалжуулагч Ө.Сэнгэсамдан, Олон улсын шүүгч, дасгалжуулагч Б.Баасандорж нарын удирдлага дор оролцсон юм.
Тэмцээний үеэр манай тамирчид хоёр төрөлд дэлхийн дээд амжилтыг шинэчлэн тогтоож, гурван тамирчин Олон Улсын Их Мастер цол, зургаан тамирчин Олон Улсын Мастер цолны эзэд боллоо.
Багийн төрөлд манай баг тэргүүлснээр Дэлхийн 6 удаагийн аварга баг болсон юм. Дэд байрт БНХАУ, гутгаар байрт БНЭУ-ын тамирчид орсон байна.
Тэмцээний 10 төрлийн дараах дүнгээр насны ангилал тус бүртээ эхний гурван байрт орсон тамирчдыг танилцуулья.
Бага насны ангилал:
Өсвөр насны ангилал:
Насанд хүрэгчдийн ангилал:
Ерөнхий дүнгээр тэмцээний 10 төрлийн дараах нийлбэр оноогоор Монгол Улсын тамирчин, Олон Улсын Их мастер, 14 настай Э.Үүрийнцолмон бүх тамирчдыг тэргүүлж “2024 оны Ой тогтоолтын Дэлхийн Аварга" боллоо.
Манай Оюун ухааны академийн тамирчид ийнхүү Америк, Англи, Герман, Турк, Хятад, Хонг Конг, Сингапур, Австри, Индонез, Япон, Солонгос, Швед, Энэтхэг зэрэг 20 гаруй улсад болсон цээж бодолт, хурдан уншлага, спорт өрөлт, ой тогтоолтын олон улсын 72 дахь тэмцээндээ амжилттай оролцож, 151 цом, 1607 медаль хүртсэнээс гадна Гиннес, Дэлхийн олон дээд амжилтыг шинэчлэн тогтоож, амжилтын буухиагаа үргэлжлүүлсээр байна.
Сэтгэгдэл (0)
Сэтгэгдэл бичигдээгүй байна