БНТУ-ын Истанбул хотод 2024 оны 12 дугаар сарын 5-8-ны өдрүүдэд болсон 33 дахь удаагийн Ой тогтоолтын Дэлхийн аварга шалгаруулах тэмцээнд 21 улсын 101 тамирчин харааны болон сонсголын ой тогтоолтын 10 төрлөөр гурван өдрийн турш өрсөлдөж аваргаа тодрууллаа.
Бүх төрлийн дараах нийлбэр оноогоор насанд хүрэгчдийг ялснаар Олон Улсын Их Мастер, 14 настай Э.Үүрийнцолмон Ой тогтоолтын Дэлхийн аварга болжээ. Ингэснээр Э.Үүрийнцолмон 33 жилийн түүхтэй энэ том тэмцээний хамгийн залуу дэлхийн аварга болсон байна.
Э.Үүрийнцолмон 2022 оны Бага насны Улсын аварга, Дэлхийн аварга, 2023 оны Өсвөрийн Улсын Аварга, Дэлхийн Аварга, 2024 онд нийлбэр дүнгээр Улсын Аварга, Оюуны Олимпын аварга болсон юм. Ийнхүү Монгол Улсаас нийлбэр дүнгээр дэлхийн аварга болж буй гурав дахь тамирчин болж, түүхэнд нэрээ үлдээлээ.
Олон Улсын Их Мастер Э.Үүрийнцолмон 14-хөн насандаа оюуны спортын нэг төрөл болох ой тогтоолтын спортын хүрч болох бүхий л өндөрлөгт хүрсэн нь энэ юм.
Сэтгэгдэл (0)
Сэтгэгдэл бичигдээгүй байна