Монголын Оюун ухааны академийн захирал Х.Хатанбаатар Хурдан уншлагын дэлхийн аварга шалгаруулах тэмцээнд Монгол Улсаас анхны мөнгөн медальтан төрсөн талаар цахим хуудастаа нийтэлжээ.
Х.Хатанбаатар" ГАЙХАЛТАЙ МЭДЭЭ ИРЛЭЭ
World Speed Reading Championships 2024 буюу Хурдан уншлагын дэлхийн аварга шалгаруулах тэмцээнд Монгол Улсаас анхны мөнгөн медальтан төрлөө.
Дүүдээ, шавьдаа, Монголын Оюун Ухааны Академийн Ахлах дасгалжуулагч, Ой тогтоолтын спортын Олон улсын шүүгч Б.Баасандорждоо халуун баяр хүргэе!
Дашрамд дурдахад миний хувьд анх 2008 онд хурдан уншлагын олон улсын тэмцээнд амжилттай оролцож мөнгөн медаль хүртэж байсан билээ. Тухайн үед унших хурд маань нэг минутад дунджаар 936 үг, ойлгоц 85% гэсэн үзүүлэлтийг гаргаж байсан юм. Энэ гаргасан амжилт өнөөдрийн Монголын Оюун Ухааны Академийг үүсгэн байгуулах гол шалтгаан болсон юм. Тэр цагаас хойш уншлагаараа олон улсын 5 тэмцээнд оролцож нийт 3 медаль хүртсэн түүхтэй.
Хурдан уншлагын тэмцээний үндсэн шалгуур нь урьд өмнө хаана ч хэвлэж байгаагүй зохиол буюу бүтэн ном уншуулж дараа нь ойлгоцыг нь олон талт асуулт, тест, үг нөхөж бичих зэргээр шалгадаг.
Өнөөдөр ар араасаа гайхалтай мэдээтэй сайхан өдөр байна." гэжээ.
Дашрамд дурдахад БНТУ-д 2024 оны 12 дугаар сарын 4-8-ны өдрүүдэд болсон 33 дахь удаагийн Ой тогтоолтын дэлхийн аварга шалгаруулах тэмцээний үeэр "Олон Улсын Их Мастер" цолны болзлыг Э.Үүрийнцолмон, О.Наранзул, Ц.Оюун-Эрдэнэ нар хангасан юм. Тус цол нь ой тогтоолтын спортын хамгийн том цол бөгөөд 2019 оноос хойш манай тамирчид тус цолны эзэд болоогүй байсан бол энэ жил 3 цолтон нэмэгдсэн байна. Ингэснээр "Олон Улсын Их Мастер" цолтой нийт 13 тамирчинтай болжээ.
Түүнчлэн “Олон Улсын Мастер” цолны болзлыг Б.Батсоёмбо, Э.Билгүүнтөгс, Г.Намуундэлгэр, Н.Марал, Б.Мөнхтүшиг, Б.Сэлэнгэмөрөн нар хангаж 14 жилийн хугацаанд нийт 69 мастер цолтой тамирчидтай болсон байна.
“Олон улсын мастер” цолны болзлыг доорх шалгуурыг хангасан тохиолдолд олгодог байна.
Сэтгэгдэл (0)
Сэтгэгдэл бичигдээгүй байна