"Олон улсад хүлээн зөвшөөрөгдсөн цахим контент, дижитал сурах бичгийн цахим систем нэвтрүүлэх" ажлыг хэрэгжүүлэх сонгон шалгаруулалтад Унгар улсын "MOZAIK KIADO KFT" XXК- шалгарч, гэрээ байгуулан хамтран ажиллаж эхэлжээ.
Хөтөлбөр, арга хэмжээний хүрээнд ерөнхий боловсролын сургуулийн 6-12 дугаар ангийн нийт 100 сурах бичгийг дижитал хэлбэрт шилжүүлэн Mozaik education системд оруулсан бөгөөд интерактив 3D контент, видео контент, зураг, аудио, 170 гаруй хичээлийн хэрэглэгдэхүүнийг бэлтгэж байна.
Дижитал сурах бичгийн системийг танилцуулах, түгээн дэлгэрүүлэх сургагч багш бэлтгэх сургалтыг Унгарын "MOZAIK KIADO KFT" XXК-ийн мэргэжилтнүүд 2024 оны 12 дугаар сарын 4- 6-ны өдрүүдэд зохион байгуулж байгаа юм.
Уг сургалтад Боловсролын ерөнхий газар, Боловсрол судлалын үндэсний хүрээлэн, Боловсролын мэдээллийн технологийн төв, Мэдлэ цахим сургууль, аймаг, нийслэл, дүүргийн боловсролын хэлтсийн мэргэжилтнүүд, ерөнхий боловсролын сургуулиудын сургалтын менежер, багш нар хамрагдаж байна.
Сургалтын явцтай Унгар Улсаас Монгол Улсад суугаа Онц бөгөөд Бүрэн Эрхт элчин сайд ДР.Обрущанский Борбала, Боловсролын ерөнхий газрын дарга Т.Ням-Очир нар өчигдөр /2024.12.05/ танилцжээ.
Сурах бичгүүд дижитал хэлбэрт бүрэн шилжсэнээр сурагчид цахим системд суурилан интерактив хэлбэрээр ашиглах боломж бүрдэх юм.
Сэтгэгдэл (0)
Сэтгэгдэл бичигдээгүй байна