"Манба Дацан" эмнэлгийн зөвлөх, анагаах ухааны доктор, профессор Г.Одонцэцэг ханиадыг хэрхэн эдгээх талаар өөрийн цахим хуудастаа ийнхүү бичжээ.
Г.Одонцэцэг "Хүүхдүүд, хөгшид, тамир дорой хүмүүс гээд ер нь л ихэнх хүмүүс ханиад хүрчихээд мөддөө эдгэхгүй байна. Хэдэн долоо хоног, хэдэн сараар үргэлжлээд байна. Эсвэл эдгэчихээд л дахиад ханиад хүрээд байна гэх нь элбэг байна.
Ханиад халуун хэлбэрийн өвчин. Тиймээс антибиотек зэрэг халуун намдаах, үрэвсэл намдаах эм хэрэглээд халуун чанарыг дарна. Гэхдээ халуун үе нь дарагдах үед хийн бэлгэ чанар арвидаж, хүчтэй түрж ирдэг. Энэ үед нь антибиотек зэрэг сэрүүн чанарын эм нөлөө үзүүлэхгүй.
Харин бүлээн, тослог шимтэй эм тан, эмчилгээ хийх хэрэгтэй.
Тиймээс ханиадны үед халуун, үрэвсэлт чанар нь буурмагц үргэлжлүүлээд яг 7 хоног эмчилгээний журмаар гарын алга, хөлийн ул, цээжний ар өвөр, чих, эрүүний хэсэгт шар тос, сүүлний тос зэргийг түрхэж байгаад булчингийн ширхэгийн дагууд нь сайтар илж, үрж, нухалж 30’-60’ минут бариа хийгээрэй. Гэрийн нөхцөлд хүүхдүүддээ, өөртөө ийм бариаг хийж болно.
Энэ нь ханиадыг түргэн хугацаанд эдгээхэд, тамирыг тэтгэхэд чухал сайн нөлөөтэй шүү." гэсэн байна.
Сэтгэгдэл (0)
Сэтгэгдэл бичигдээгүй байна