"Miss Earth 2024" тэмцээнд Монгол Улсаа төлөөлөн оролцсон мисс Пүрэвжалын Цэлмэг өөрийн цахим хуудастаа монголчууддаа баярласнаа илэрхийлэн ийнхүү бичжээ.
П.Цэлмэг "Miss Earth 2024" тэмцээн маань амжилттай зохион байгуулагдаж дууслаа. Дэлхийн 80 гаруй орны оролцогчидтой өрсөлдөн, санал хураалтын хугацаанд шилдэг 10 орны нэгээр шалгарч Монгол Улсынхаа нэрийг цуурайтуулж чадлаа. Энэ хугацаанд тусалж дэмжиж, эх орныхоо төлөө саналаа өгсөн та бүхэндээ маш их баярлалаа. Та бүхний ачаар эх орны маань нэр хэсэгхэн хугацаанд ч болов дэлхийн тайзан дээр дуудагдаж чадсан юм шүү. Намайг танихгүй ч эх орноо гэсэн нэгдмэл сэтгэлээр үргэлж дэмжиж байсан монголчууддаа маш их баярлалаа." гэжээ. Тэрбээр мөн ямар ч үед арыг нь бат дааж дэмждэг хайртай гэр бүлийнхэн, ах эгч хамаатан садан, найзууд, багш нар, ажлын хамт олондоо болон өөрт нь тусалсан бүхий л байгууллага, хамт олон, хэвлэл мэдээллийн сайтуудад баярлаж байгаагаа илэрхийлсэн байна.
Манай мисс Пүрэвжалын Цэлмэг олон нийтийн цахим асуулгаар 80 гаруй орны оролцогчдоос 7-д бичигдсэн юм.
Сэтгэгдэл (0)
Сэтгэгдэл бичигдээгүй байна