АНУ-ын Ерөнхийлөгчийн сонгуулийн саналыг тоолох ажил үргэлжилсээр байна. Энэ зуур Доналд Трамп өөрийгөө 47 дахь Ерөнхийлөгчөөр сонгогдсоноо зарлаж амжлаа. Зарлахдаа бүр “АНУ-ын түүхэнд байгаагүй улс төрийн том ялалт боллоо!” хэмээн мэдэгдсэн юм.
AP, NBC, Fox News, CNN зэрэг Дэлхийд зартай мэдээллийн агентлагуудын таамаглаж буйгаар Трамп гарцаагүй ялалт байгуулжээ. The New York Times түүний ялах магадлалыг 95 хувьтай гэж мэдээллээ.
“Энэ улсад өмнө нь хэзээ ч ийм явдал болж байгаагүй. Магадгүй бүр Дэлхий дахинд ч ийм болж байгаагүй байж мэднэ. Энэ бол бүх цаг үеийн хамгийн аугаа улс төрийн ялалт. Бид одоо эх орондоо туслах болно. Ингэснээр шинэ шатанд гарна. Миний эх оронд бидний тусламж маш их хэрэгтэй байгаа. Бид хил хязгаараа засаж тохинуулах болно. Улсынхаа бүх зүйлийг засаж сайжруулна. Хэний ч, хэзээ ч давахгүй гэж байсан саад бэрхшээлийг давсан учраас бид зөвхөн өнөө оройг биш бүтэн түүх бүтээх болно.
45 дахь Ерөнхийлөгчийгөө 47 дахь Ерөнхийлөгчөөр сонгосон ард түмэндээ талархая. Иргэн бүрт хандаж хэлэхэд, би иргэн бүрийн төлөө тэмцэх болно. Таны гэр бүл, таны ирээдүйн төлөө ажиллах болно. Би амьсгал болгоноо та бүхний төлөө зориулж, цэцэглэн хөгжиж буй хүчирхэг, аюулгүй АНУ-ын бүтээхээс өмнө сэтгэл амрахгүй. Бидний үр хойч сайхан улс оронд амьдрах ёстой. Энэ бол Америкийн Алтан зуун байх болно” хэмээн 78 настай Доналд Трамп мэдэгджээ.
Сэтгэгдэл (0)
Сэтгэгдэл бичигдээгүй байна