УИХ-ын гишүүн Д.Энхтүвшин чуулганаар хэлэлцэгдэж буй ирэх оны төсвийн урсгал зардлын талаар өөрийн цахим хуудастаа ийнхүү бичжээ.
Д.Энхтүвшин "Төсвийн зарим урсгал зардлууд иймэрхүү л өсөлттэй байна. 2025 онд төсвийн урсгал зардлыг 2023 оноос 53 хувиар нэмэгдүүлж 26 их наяд төгрөг болгох гэж байна.
Татвар, Нийгмийн даатгалын шимтгэлээ буулгаач гэхээр боломжгүй гэдэг мөртлөө иймэрхүү үрэлгэн урсгал зардлыг бүрэн чадлаараа дэмждэг сангийн яамтай. Ийм сангийн яамнаас татварын реформ хүлээгээд хэрэггүй юм байна. Тэгсэн мөртлөө УИХ-ын гишүүдийн Үндсэн хуулиар олгогдсон хууль тогтоох эрхийг хязгаарлан татварын хууль санаачлах эрхгүй болгосон. Татварын бодит реформ хиймээр байна, иргэд, аж ахуйн нэгжүүдэд танах юм юу ч үлдсэнгүй. Харин одоо төсвийн урсгал зардлыг тултал нь танамаар байна. Хууль тогтоох эрх хязгаарласан асуудлаар Үндсэн хуулийн цэцэд хандана." гэжээ.
Сэтгэгдэл (0)
Сэтгэгдэл бичигдээгүй байна