Сурагчид өнөөдөр /2024.10.25/ хичээллээд аравдугаар сарын 28-наас бие даалтын долоо хоног эхлэх юм.
Бие даалтын долоо хоног гэдэг ойлголт манай боловсролын системд шинээр гарч ирсэн бөгөөд суралцагчдад бие даан суралцах, хувь хүний хөгжил, бүтээлч сэтгэлгээ, зөөлөн ур чадварыг хөгжүүлэх, нийгэм-сэтгэл хөдлөлийн ур чадварт суралцах, ажил мэргэжлийн чиг баримжаа олгоход чиглэсэн үйл ажиллагаа, соёл, урлаг, спортын чөлөөт арга хэмжээг зохион байгуулна.
Бие даалтын долоо хоногоор багш нарт цалин тооцохгүй гэсэн мэдээлэл гарсан талаар Боловсролын яамнаас тодруулахад "Ташаа мэдээлэл байна. Хичээлийн жилийн бүтцэд багтсаны дагуу бие даалтын долоо хоногийн үйл ажиллагаа явагдана. Багш нар цалингаа хэвийн байдлаар авна" гэсэн хариултыг өглөө.
Сэтгэгдэл (0)
Сэтгэгдэл бичигдээгүй байна