Камбожийн гүнж, 12 настай Женна Нородом эх орондоо шоу-бизнесийн ертөнцөө атгачихсан алдартай нэгэн аж. Гэвч Хаан Нородом Сианукагийн удмын энэ охин зөвхөн Камбожоор хорвоог хэмжихийг хүсээгүй тул Өмнөд Солонгос руу гарч, K-pop од болохыг хүсч эхэлжээ.
Сошиал хуудастаа 120 мянган дагагчтай Женна 8 настайгаасаа том компанитай загвар өмсөгчийн гэрээ байгуулжээ. Тун идэвхтэй, гэр бүлийн дэмжлэг ч их сайн учир удалгүй Хятадын телевизийн шоуны ч анхаарлыг татаж, дэлгэцээр нь байн байн гарах болсон байна. Хятадад бол аль хэдийн алдартай болоод амжсан нэгэн гэж хэлж болно.
Женнаг саяхан Victoria`s Secret-ийн шоун дээр тайзнаа гарсан Blackpink-ийн Лисагийнх шиг амжилттай замнал бий болгож чадна гэж ойр тойрныхон нь итгэдэг гэнэ. Царай төрх, бие галбирын хувьд ч өөгүй. Тиймээс ойрын хугацаанд Өмнөд Солонгос руу гарч, тэндэхийн K-pop хамтлагуудын гишүүн болохоор шалгаруулахаар бэлдэж байгаа ажээ.
Женна загвар өмсөхөөс гадна дуулна бас жүжиглэнэ. 2022 онд You Da One дуугаа гаргасан бол энэ жил The Night Curse od Reatrei аймшгийн кинонд тогложээ. Зүгээр ч нэг тоглосонгүй, Ази-Камбожийн кино наадмаас Шилдэг залуу жүжигчин шагнал гардсан байна.
Женна кхмер, тайланд, хятад, франц хэлтэй. Ийм өгөгдөхүүнтэй гүнж мөдхөн том од болох магадлал өндөртэй гэж үзэж буй ажээ.
Сэтгэгдэл (1)