СУРГУУЛИЙН ОРЧИНД ҮЕ ТЭНГИЙН ХҮЧИРХИЙЛЭЛ ХАМГИЙН ИХ БАЙЖЭЭ

ЮНЕСКО-гийн Ерөнхий бага хурлын 40 дүгээр чуулганаар жил бүрийн 11 дүгээр сарын эхний 7 хоногийн ПҮРЭВ гарагийг “Сургуулийн орчны хүчирхийлэл, дээрэлхэл, цахим дарамтыг устгах олон улсын өдөр” болгон тэмдэглэхээр шийдвэрлэсэн билээ. 

Өнгөрсөн хичээлийн жилд буюу  2023 оны 9 дүгээр сарын 1-ний өдрөөс 2024 оны 6 дугаар сарын 1-ний өдрийн хугацаанд Хүүхдийн тусламжийн 108 утасны үйлчилгээний төвд "Боловсролын орчинд хүүхдийн эрх зөрчигдсөн дуудлага мэдээлэл" нийт 1377 бүртгэгджээ. Үүнээс 960 дуудлага, мэдээлэлд хүүхэд хамгааллын үйлчилгээ үзүүлж шийдвэрлэн, 417 дуудлага мэдээлэлд хяналт тавин ажиллаж байна.

Ирсэн дуудлага мэдээллийг ангилбал:

• Бие махбодын хүчирхийлэл- 460
• Сэтгэл санааны хүчирхийлэл- 165
• Үл хайхрах хүчирхийлэл- 36
• Сургуулийн албан хаагчидтай холбоотой- 115
• Бусад- 38
• Үе тэнгийн хүчирхийлэл -463 буюу хамгийн өндөр хувийг эзэлжээ.