2024 оны өвлийн "Элсэлтийн шалгалт"-ын бүртгэл eyesh.eec.mn цахим хуудсаар орон даяар явагдаж байна. Бүртгэл өчигдөр /2024.10.10/-нд эхэлсэн бөгөөд 11 дүгээр сарын 10-ны өдрийн 18:00 цагт дуусах юм.
Шалгуулагчид элсэлтийн шалгалтад бүртгүүлэхдээ
- Зөвхөн өөрийн и-мэйл хаяг болон утасны дугаараа ашиглана.
- 3х4 хэмжээтэй цээж зургаа файлаар оруулна /Шаардлага хангаагүй зураг оруулсан тохиолдолд БҮТ-өөс зургийг устгах ба устгасан тохиолдолд дахин зөв зургаа оруулна/
- Шалгалт өгөх аймаг, хотоо өөрөө сонгоно
- Монгол хэл, англи хэл, орос хэл, математик, физик, хими, биологи, газар зүй, түүх, нийгмийн тухай мэдлэг хичээлүүдээс 2-оос багагүйг сонгож бүртгүүлнэ.
- Элсэлтийн шалгалтын нэг хичээлийн төлбөр 5800 төгрөг байна. /Бүртгэлийн хугацаанд хичээлээ сонгож төлбөрөө төлсөн тохиолдолд бүртгэл баталгаажихыг анхаарна уу/
- Хөгжлийн бэрхшээлтэй иргэн шалгалтад бүртгүүлсэн бол холбогдох бичиг баримт /өргөдөл, хүсэлт, эмчийн магадалгаа, тодорхойлолт/-ыг бүртгэлийн хугацаанд БҮТ-д ирүүлнэ.
Элсэлтийн шалгалтын шалгуулагчид мэргэжлийн сэтгэл зүйчээс сэтгэл зүйн зөвлөгөө авах бол БҮТ-ийн чатботоор сэтгэл зүйчтэй холбогдох боломжтой.
Шалгалтын хуваарь
2024 оны 12 дугаар сарын 5-ны өдөр
- Монгол хэл бичиг /10.00-11.40/
- Түүх /13.00-14.20/
- Англи хэл /16.30-17.50/
2012 оны 12 дугаар сарын 6-ны өдөр
- Хими /10.00-11.40/
- Газарзүй /13.00-14.20/
- Нийгэм судлал /16.30-17.50/
2012 оны 12 дугаар сарын 7-ны өдөр
- Биологи /10.00-11.20/
- Математик /14.00-15.40/
2012 оны 12 дугаар сарын 8-ны өдөр
- Физик /10.00-11.40/
- Орос хэл /13.00-14.20/
- Монгол хэл /16.00-17.20/
Шалгуулагчид англи хэл, биологи, газар зүй, математик, монгол хэл, нийгэм судлал, орос хэл, түүх, физик, хими зэрэг хичээлээс хоёроос дээш хичээл сонгох бөгөөд бүртгэлийн хугацаанд хичээл сонголтоо хийж, төлбөрөө төлснөөр бүртгэл баталгаажна.
Сэтгэгдэл (0)
Сэтгэгдэл бичигдээгүй байна