Аравдугаар сарын 1-нээс үйлчилж эхэлсэн хуулийн дагуу эмийг заавал жороор олгохоор болсон нь иргэдийн дургүйцлийг төрүүлж, сошиал орчинд энэ талаар үзэл бодлоо илэрхийлсээр байна.
Нэгэн иргэний постыг орууллаа. "Шөнө гэнэт халуурч толгой өвдөөд эмийн сан орлоо Ибупрофен байна уу? Байгаа гэхдээ эмчийн жороо аваад ир. Жаахан гуйж зогсоноо. Ямарч найраа байдагггүй ээ!! За таньдаг эмчрүүгээ шөнө залгалаа. За тэгээд таньдаг эмч байхгүй бол шөнөжин халуурч хонох юмдагуудаа..!! Гэрлүү нь очоод жор бичүүлээд авлаа. За эргээд нөгөө эмийн сандаа очлоо. Хаачиж!! 24 цагийн эмийн сан хайж баахан явлаа. Эцэст нь нэг юм Ибупрофен олж авахийн байна!
Энэ ч яахав том хүний жишээ. Хүүхэд яах уу? Гэнэтийн зүйлд өвчин намдаах ядаж хэрэгтэй юу!!!" гэжээ.
Мөн нэгэн иргэн "Шинэчилсэн эмийн хууль бол эмийн сан эрхэлж, эмзүйн тусламж үйлчилгээ үзүүлж амьдралаа авч явдаг өрхүүдийг ажилгүй амьдралгүй улных болгох зорилгоор батлагдсан. Монополь том, сүлжээ эмийн сангууд нэг бол өөрсдөө эмчтэй эсвэл том эмнэлгийн дотор, нэг бол эмчийн бичиж явуулсан жороор эмч нарыг шагнаж урамшуулдаг гэдгийг манай салбарынхан бүгд мэдэж байгаа. Хэрэв эмийн гаж нөлөөн дээр хяналт тавих гэж байгаа бол шат дараалан асуудлаа шийдэж, өрхийн эмч, бүх шатны эмнэлгүүдийн эмч нарын жор бичилт дээр хяналт тавьбал яасан вэ? Жороо зөв бичдэггүй, тухайн эмийг яг юунд зориулсан гэдгээ өвчтөндөө ойлгуулдаггүй, сэтгэлгүй эмч нартай болохоор ард иргэд чинь эм зүйчээс зөвлөгөө авч, эм хэрэглэж байгаа. Одоо жороор олгож болохгүй учир эмийн сангууд нь эхнээсээ хаалгаа барьж эхлэнэ. Эргээд жор бичүүлэхийн тулд бүх шатны эмнэлгүүд чинь улам ачаалалтай болно. Өвдсөн хүнийг нүдээрээ харж байж жортой эм олгохгүй гээд үйлчлүүлэгчээ хараад сэтгэл өвдөөд жоргүй олгодог хэдэн эмээ зөвлөж сууна даа." гэсэн байна.
Сэтгэгдэл (0)
Сэтгэгдэл бичигдээгүй байна