Саудын Араб улсын Рияд хотноо 2024 оны 9 дүгээр сарын 9-12-ны өдрүүдэд зохион байгуулагдсан Хиймэл оюун ухааны олон улсын олимпиадад /IAIO/ монгол сурагчид амжилттай оролцож, нэг алт, нэг хүрэл, хоёр тусгай байрын шагнал хүртсэн бахдам амжилт гаргажээ.
Дэлхийн 25 улсын 90 орчим сурагч оролцсон уг олимпиадаас Оюунлаг сургуулийн сурагч Н. Батсүх алтан медаль, Хобби сургуулийн сурагч Э.Тэнүүн хүрэл медаль хүртэж, Эрхэт эрдэм сургуулийн сурагч Ч.Ирмүүн, Сант сургуулийн сурагч Т.Энгүүн нар шагналт байрын эзэн болсон байна.
Монгол сурагчдын энэ баг өмнө нь Бүгд Найрамдах Болгар Улсын Бургас хотод 2024 оны наймдугаар сарын 9-14-ний өдөр болсон Хиймэл оюун ухааны анхдугаар олимпиадаас багаараа мөнгөн медаль хүртэж, сайхан амжилт үзүүлсэн юм.
Сэтгэгдэл (0)
Сэтгэгдэл бичигдээгүй байна