Японы телевизийн аниме цуврал “One Piece” телевизийн хөтөлбөрөөс гаргасан хамгийн олон DVD-н шинэ рекордыг тогтоожээ.
Энэхүү анимэ цуврал нь Эйчиро Одагийн зохиосон манга дээр үндэслэсэн юм. Эйчиро Ода "One Piece" анимээрээ “Гиннесийн амжилтын дэлхийн ном” төрөлд “Ганц зохиогчийн бүтээсэн, дэлхий даяар хамгийн олон хувь хэвлэгдсэн комик” хэмээх дээд амжилтыг 2014 онд тогтоосон.
Тус цуврал анх 1997 онд гарч эхэлсэн бөгөөд Далайн дээрэмчдийн хаан болохын тулд "One Piece" хэмээн нэрлэгддэг дэлхийн хамгийн дээд эрдэнэсийг хайж буй Монки Ди Лүффигийн адал явдлууд өнөөг хүртэл хүүхэд, насанд хүрэгчид бүгд үздэг дэлхийн нэг номерын анимэ болсон юм.
Уг анимегийн эхний хоёр DVD-г 2001 оны 2 сарын 21-нд гаргасан цагаас хойш жил бүр 12 орчмыг гаргаж иржээ. 1086-1088 дахь "Wano Country" цувралыг агуулсан 300 дахь DVD багц нь 2024 оны 7-р сарын 3-нд гарсан бөгөөд Гиннесийн амжилтад бүртгэгдлээ.
Сэтгэгдэл (0)
Сэтгэгдэл бичигдээгүй байна