2011 оны гуравдугаар сарын 11-нд Японы Фүкүшимаг цунами дайрч, 20 мянга гаруй хүний аминд хүрсэн гамшиг тохиолдсон. Мөн 2500 гаруй хүн одоо хүртэл сураггүй алга болсонд тооцогдож байгаа юм. Тэдний нэг нь Юко Такамацү хэмээх эмэгтэй.
Тэгвэл Юко Такамацүг нөхөр Ясүо Такамацү нь одоо хүртэл итгэл найдвараа алдалгүй цөхрөлтгүй хайсаар байгаа ажээ.
Тэр хоёр 1988 онд, Юког 25 настай байхад танилцаж, гэрлэсэн юм байна. Гамшгийн үед Юко ажил дээрээ, нөхөр нь харин хол газар байж таарчээ. Эхнэрээ сураггүй алга болсон хүмүүсийн тоонд багтсаны дараагаар Ясүо гамшиг болсон газрын ой мод, уул хад, элсэн эрэг дээгүүр хайжээ. Тэгж явахдаа эхнэрийнхээ гар утсыг олсон байна. Гар утсандаа “Их хүчтэй цунами...” гэсэн зурвас бичсэн ч илгээж амжаагүйг ч олж мэджээ.
Үүнээс хойш Ясүо эхнэрээ далайн гүнээс хайх ёстойг ойлгож, шумбагчаар суралцаад хайлтаа үргэлжлүүлжээ. Одоогоор 100 гаруй удаа далайн гүн рүү шумбаж эхнэрээ олно гэж найдсаар... Хаана хайсан, одоо хаагуур хайх ёстой гээд зураг, төлөвлөгөө гаргачихсан зүтгэсээр буй Ясүогийн түүхээр богино хэмжээний кино хүртэл хийгээд амжжээ.
Ясүо далайд шумбах бүртээ “Эхнэртээ илүү ойртож буйгаа мэдэрдэг” хэмээн ярьжээ.
Сэтгэгдэл (0)
Сэтгэгдэл бичигдээгүй байна