Мьянмарын улс төрийн лидерүүдийн нэг Ан Сан Сү Чи-гийн намыг сонгуульд луйвраар ялсан хэмээн цэргийн томоохон албан тушаалтнуудын нэгдсэн хүч төрийн эргэлт хийж, засгийн эрхийг авснаас хойш гурван жил гаруйн хугацаа өнгөрлөө.
Ан Сан Сү Чи-г эх орноосоо урвасан, авлига авсан, харилцаа холбооны тухай хуулийг зөрчсөн хэмээн 27 жилийн ял оноон, хориод хоёр жил өнгөрлөө. Тэгвэл сүүлийн өдрүүдэд Мьянмарт огцом халж байгаа учир шоронд хоригдож буй өндөр настнуудыг гэрийн хорионд шилжүүлэхээр болсон байна. Гэрийн хорионд шилжүүлэх хүмүүсийн тоонд 78 настай Ан Сан Сү Чи багтжээ.
Өмнө нь Мьянмарын төр засгийн зүгээс Ан Сан Сү Чи-г гэрийн хорионд гаргасан гэсэн мэдээлэл тараасан нь ард иргэдийн уур хилэнг намжаах худал арга төдий байсан талаар хүү нь мэдэгдэл хийсэн юм.
Тиймээс энэ удаад Ан Сан Сү Чи-г гэрийн хорионд үнэхээр гаргах эсэхийг Мьянмар төдийгүй Дэлхий нийт анхааран ажиглаж байна. Ан Сан Сү Чи бол Ардчиллын төлөө тэмцэгч, Нобелийн Энхтайвны шагналт, Дэлхийн нөлөө бүхий улстөрчдийн нэг тооцогддог нэгэн билээ.
Сэтгэгдэл (0)
Сэтгэгдэл бичигдээгүй байна