Монголын Өмгөөлөгчдийн холбооноос Хүний эрхийн Үндэсний байгууллага үүсэж хөгжсөний 25 жилийн ойг тохиолдуулан Хүний эрхийн Үндэсний комиссын ажилтнуудад мэндчилгээ дэвшүүлж, ажлын амжилт хүсэн ерөөжээ.
"Монгол Улсад хүний эрхийг хамгаалах, үндэсний тогтолцоог бэхжүүлэх үйлсийн төлөө сэтгэл зүрхээ зориулан ажиллаж ирсэн Хүний Үндэсний комиссын үе үеийн удирдлага, гишүүд, албан хаагчид та бүхэнд 25 жилийн ойн мэнд дэвшүүлж, ажлын амжилт хүсэн ерөөе." гэсэн байна.
Улсын Их Хурлаас 2000 оны 12 дугаар сарын 7-ны өдөр Монгол Улсын Хүний эрхийн Үндэсний Комиссын тухай хуулийг баталж, 2001 оны 2 дугаар сарын 2-ны өдөр Комиссын анхны гурван гишүүн тангараг өргөн томилогдсоноор Монгол Улсад Хүний эрхийн үндэсний байгууллагыг үүсгэн байгуулж байсан түүхтэй юм.
Энэхүү түүхэн өдрийг тохиолдуулан “Хүний эрхийн үндэсний комисс-25 жил” хүндэтгэлийн хурал зохион байгуулж, тус байгууллагын түүхэн замнал, хүний эрхийг хангах, хамгаалах үйл хэрэгт гарсан ахиц дэвшил, цаашид анхаарах асуудлын талаар хэлэлцэж, хүндэтгэлийн илтгэл танилцуулсан байна.
Сэтгэгдэл (0)
Сэтгэгдэл бичигдээгүй байна