Алдарт эхийн I, II одон авах эхчүүдийн материалыг Нийслэлийн хороод өнөөдөр буюу 3 дугаар сарын 10-ныг дуустал хүлээн авч байна.
Монгол Улсын аварга О.Хангай хэд хоногийн өмнө цахим хуудастаа дөрвөн хүүхэд төрүүлж өсгөсөн ч аль нэг хүүхэд нь ертөнцийн мөнх бусыг үзүүлсэн бол Алдарт эхийн одон олгохгүй байгаатай холбоотой асуудлаар Ерөнхийлөгч, УИХ, Засгийн газарт хандаж бичсэн. О.Хангай аваргын гэр бүл 4 хүүхэд төрүүлсэн ч том хүүхдээ 2 нас гаруйтай байхад гэнэтийн ослоор алдсан, дөрөв дэх хүүхдээ нэг нас хүрсний дараа хороондоо материалаа бүрдүүлж өгөөд Алдарт эхийн одон авахаар “бэлдсэн” ч өгөөгүй, бөөн уйтгар гуниг болсон талаар бичиж, ийм асуудал тулгарсан олон хүн байдаг тул анхаарч өгөхийг хүссэн юм.
Тэгвэл энэ талаар ЕТГ-ын дарга Я.Содбаатар "Бид О.Хангай аваргатай биечилж уулзсан. Түүний саналыг хүлээн авч ХНХЯ-нд хүргүүлсэн. Ойрын хугацаанд Засгийн газрын хуралдаанаар оруулна. Улмаар УИХ-ын хаврын чуулганаар “Олон хүүхдийг төрүүлж өсгөсөн эхийг урамшуулах тухай” хуульд өөрчлөлт оруулах хуулийн төслийг өргөн барина"
Сэтгэгдэл (0)
Сэтгэгдэл бичигдээгүй байна