Монголын Өмгөөлөгчдийн Холбоо “Чингис хаан” тэргүүн зэргийн одонт, академич С.Нарангэрэлд Үндсэн хуулийн өдрөөр хүндэтгэл үзүүлжээ.
Энэ үеэр мөн шинээр эрх авсан өмгөөлөгчдийн “Өмгөөлөгчийн тангараг өргөх ёслолын ажиллагаа”- болсон байна. Чингис хаан тэргүүн зэргийн одон хүртсэн анхны хуульч болох, академич С.Нарангэрэл 1997-2000 онд Монголын Өмгөөлөгчдийн холбооны Ерөнхийлөгчөөр ажиллаж байсан юм. Арга хэмжээний үеэр шинэ өмгөөлөгчдөд хандан үнэт сургамжийн үгээ хэлсэн байна.
2025 оны Өмгөөлөгчийн шалгалтад тэнцэж, өмгөөллийн үйл ажиллагаа эрхлэх эрх авах хүсэлт ирүүлсэн хуульчдад Монголын Өмгөөлөгчдийн Холбооны Ерөнхийлөгчийн энэ оны анхны тушаалаар Өмгөөллийн үйл ажиллагаа эрхлэх эрх олгож, өмгөөлөгчдийн нэгдсэн бүртгэлд бүртгэн тус Холбооны гишүүнээр элсүүлсэн юм.
Тангараг өргөх ёслолын ажиллагаанд хүндэт зочноор УИХ-ын гишүүн Ц.Мөнхбат, Монголын Өмгөөлөгчдийн Холбооны Удирдах зөвлөлийн дарга Б.Энхзаяа, Нийслэлийн зөвлөлийн дарга Б.Солонго нар оролцсон бөгөөд Монголын Өмгөөлөгчдийн Холбооны Ерөнхийлөгч Л.Данзанноров, тус холбооны Удирдах зөвлөлийн гишүүн Б.Энх-Эрдэнэ, Р.Булгамаа нар шинэ өмгөөлөгчдөд өмгөөллийн үйл ажиллагаа эрхлэх гэрчилгээ, үнэмлэхийг гардуулан өгч баяр хүргэжээ.
Сэтгэгдэл (0)
Сэтгэгдэл бичигдээгүй байна