ОХУ болон Украины ард түмэн АНУ-ын энхийн төлөвлөгөөг дэмжиж байгаа гэж Трамп мэдэгдлээ.
Дональд Трамп Украины мөргөлдөөнийг зохицуулах АНУ-ын төлөвлөгөөг ОХУ, Украины ард түмэн дэмжиж байгаа ч Владимир Зеленский одоог хүртэл баримт бичигтэй хараахан танилцаагүй байна гэж мэдэгджээ.
"ОХУ энэ төлөвлөгөөг эсэргүүцэхгүй гэдэгт би итгэлтэй байна. Харин Зеленский төлөвлөгөөтэй санал нийлж байгаа гэдэгт итгэлгүй байна. Украины ард түмэн үүнийг дэмжиж байгаа ч Зеленский энэ саналтай хараахан танилцаж амжаагүй байна, яагаад гэдгийг хэзээ нэгэн цагт тэр надад тайлбарлах байх.” Жон Ф.Кеннедигийн нэрэмжит Урлагийн төвд Трамп сэтгүүлчдэд хэлжээ.
Тэрбээр мөн АНУ-ын энх тайвны төлөвлөгөөг хараахан хянаж үзээгүйд нь Зеленскийд сэтгэл дундуур байгаагаа ч дурдсан байна.
ОХУ-ын Ерөнхийлөгч Владимир Путины 2025 оны 12 дугаар сарын 2-нд Москвад АНУ-ын Ерөнхийлөгчийн тусгай элч Стивен Виткофф болон Трампын хүргэн Жаред Кушнер нартай хийсэн уулзалт, хэлэлцээ бараг таван цаг үргэлжилсэн юм.
ОХУ-ын Ерөнхийлөгчийн туслах Юрий Ушаков Украины мөргөлдөөны асуудлаарх энх тайвны төлөвлөгөөний талаар тохиролцоонд хараахан хүрч чадаагүй гэж мэдэгдсэн. Мөргөлдөөнийг шийдвэрлэх АНУ-ын анхны төлөвлөгөөнөөс гадна ОХУ нэмэлт дөрвөн баримт бичгийг хүлээн авсан байна. Эдгээрийг бүгдийг нь В.Путин Виткоффтой уулзах үеэрээ хэлэлцсэн. ОХУ-ын Ерөнхийлөгч В.Путин АНУ-ын Ерөнхийлөгчийн тусгай элч нар мөн Украины мөргөлдөөн дэх нутаг дэвсгэрийн асуудлыг ч ярилцсан, эдгээргүйгээр Москва хямралаас гарах гарцыг олж харахгүй байна гэсэн юм.
В.Путин АНУ-ын боловсруулсан Украины асуудлаарх энхийн төлөвлөгөөний 28 заалтыг хэлэлцэж байгаа ч одоо дөрвөн тусдаа багцад багтаж байгаа гэж мэдэгдсэн.
Харин Трамп өмнө нь мөргөлдөөнийг зохицуулах тохиромжтой хувилбарыг Украин алдсан бөгөөд одоогийн нөхцөл байдал тэдэнд тийм ч таатай биш байгаа гэсэн байна.
Сэтгэгдэл (0)
Сэтгэгдэл бичигдээгүй байна