Хөвсгөл аймгийн 6 дахь хошуу мал цаан сүргийн тоо толгой цөөрч байгаа учраас цаа бугыг арилжааны зорилгоор худалдахыг сумын Засаг даргын захирамжаар хориглосон байна. Хөвсгөл аймгийн засаг дарга тус захирамждаа цаа бугын тоо толгойг өсгөн нэмэгдүүлэх, цаатны ёс заншил, өв соёлыг хадгалах, цаа бугыг мал, амьтны гоц халдварт өвчнөөс урьдчилан сэргийлэх зорилгоор цаатан иргэд цаа бугыг арилжааны зорилгоор өөр бүс нутагт худалдан борлуулахгүй, сумын нутаг дэвсгэрээс удаан хугацаагаар гаргахгүй байхыг анхааруулжээ.Төр засгаас цаан сүргийн тоо толгойг нэмэгдүүлэх, цаатан иргэдийн амьдралыг дэмжих зорилгоор тэтгэмж олгодог.
Захирамжийг зөрчсөн иргэдэд тус тэтгэмжийг олгохгүй байх хүртэл хариуцлага тооцох юм.
2023 онд 2931 цаа тоолуулж байсан бол өнгөрсөн оны жилийн эцсийн тооллогоор 2765 толгой цаа тоолуулж, 5,7 хувь буюу 166 толгойгоор цөөрсөн байна.
Тус аймгийн хэмжээнд 2020 оны хүн ам, орон сууцны тооллогоор тайгад 123 өрхийн 189 цаатан иргэд цаа маллан амьдардаг судалгаа гарчээ.
Сэтгэгдэл (0)
Сэтгэгдэл бичигдээгүй байна