АНУ-ын тамирчин, орос гаралтай Илья Малинин уран гулгалтын дэлхийн аварга шалгаруулах тэмцээнд 333.76 оноогоор тэргүүлж, дэлхийн рекорд тогтоолоо.
“Надад хэлэх үг алга, ингэж гулгаж чадна гэж бодоогүй. Одоо хүртэл дэлхийн аварга болсондоо итгэж чадахгүй байна. Мөсөн дээр гараад нэг л мэдэхэд дуусчихсан, гулгалт их хурдан өнгөрсөн. Би мөсөн дээр гарахдаа л дөрөв дэх аксель үсрэлт хийнэ гэж шийдсэн байсан, алдаагүйдээ баяртай байна. Үзэгчдийн уур амьсгал гайхалтай байлаа. Тэдний дэмжлэг хөдөлгөөн хийх бүрд минь нэмэгдэж, тэр давлагаа намайг бүх үзүүлбэрийн туршид гар дээрээ авч явах шиг санагдсан. Ирэхээр шийдсэндээ баяртай байна, зөвхөн биеийн байдлын хувьд ч биш, сэтгэл зүйн талаасаа ч амаргүй байсан. Ийм өндөр оноо авна гэж бодоогүй, энэ нь цаашдын миний гулгалтад шинэ хөдөлгөх хүч болж байна. Өнөөдөр би жинхэнэ домог болсон гайхалтай уран гулгагчидтай өрсөлдлөө. Бид бие биенээ урагшлахад нөлөөлдөг, би тэднээр бахархдаг. Тэдэнтэй мөсөн дээр цуг гарна гэдэг нэр төрийн хэрэг юм” гэж Малинин ярьжээ.
Сэтгэгдэл (0)
Сэтгэгдэл бичигдээгүй байна