E-спортын дэлхийн чансааг тэргүүлэгч багууд оролцдог “ESL Pro League” тэмцээнд “The MongolZ” баг Play off шатанд тоглох эрхтэй боллоо.
Дэлхийн шилдэг 32 баг оролцож буй уг тэмцээнд Ази тивийг төлөөлж Хятадын Tyloo, манай "The MongolZ" баг өрсөлдөж байгаа юм.
"The MongolZ" хэсгийн шатны эхний тоглолтоо 2024 оны 4 дүгээр сарын 24-ний өдөр Саудын Арабын "Team Falcons" багтай хийж, ялсан. Харин өчигдөр /2024.04.25/ Playoff шатанд шалгарах эрхийн төлөө дэлхийн чансааг тэргүүлэгчдийн нэг "G2 Esports" багтай тогложээ.
"The MongolZ" өөрсдийн сонгосон эхний "Ancient map" дээр 13:4 онооны харьцаатайгаар илт давуу ялалт байгуулсан байна. Мөн эсрэг багийн сонгосон "Anibus map" дээр 13:7 онооны харьцаагаар хожиж, анх удаа ESL Pro League цуврал тэмцээний Playoff шатанд тоглох эрхтэй боллоо.
Сэтгэгдэл (0)
Сэтгэгдэл бичигдээгүй байна