Францын нийслэл Парист зуны олимпын наадмын нээлт өнөөдөр болно. Сена мөрний урсгал дагуу олон орны баг тамирчид болон жүжигчин, бүжигчин, дуучдын хэдэн километр үргэлжлэх завины жагсаал энэ нээлтийн гол онцлог шийдэл байх юм.
Мөн нээлтэд Канадын дуучин Селин Дион ая дуугаа өргөнө гэдгийг албан ёсоор зарласан. Селин Дион нь франц-канад гаралтай тул ийнхүү Парисын олимпын нээлтэд оролцох урилга илгээсэн юм. Маш хүнд өвчнийг даван туулсан дуучинд олимпын нээлтэд ая дуугаа өргөснийх нь төлөө 2 сая евро урамшуулалд хүртээхээр тохиролцсон гэх мэдээ түгсэн.
Гэхдээ нээлтэд Селин Дион ганцаараа биш Леди Гагатай хамтран дуулах бололтой. Итали гаралтай дуучин Леди Гага францаар маш цэвэрхэн аялгатай ярьдгаараа зартай. Энэ алдартай дуэт хамтдаа Францын домогт дуучин эмэгтэй Эдит Пиафын La Vie en Rose дууг дуулах ажээ.
Сэтгэгдэл (0)
Сэтгэгдэл бичигдээгүй байна