Төрсөн охиноо “Голос” дууны уралдаанд ялуулахын тулд санал худалдаж авсандаа дуучин Алсу уучлалт гуйсан нь удаатай. Гэвч одоо байр сууриа өөрчилж, бүх бурууг салах гэж буй нөхөртөө тохох болжээ.
2019 онд “Голос” дууны уралдаанд Алсугийн охин Микелла саналын дүнгээр тэргүүлж, ялагч болсон. Гэвч тухайн үед түүнийг болон нөхрийг нь охиндоо санал худалдаж авч түрүүлгэсэн гэж олон нийт дургүйцэж, шүүмжилсэн юм. Үнэхээр санал худалдан авсан нь ч тогтоогдож, дуучин Алсу уучлалт гуйж байлаа. Энэ тухай яриа шүүмжлэл одоо хүртэл үргэлжилсээр байгаа ажээ.
Алсу сүүлийн үед сошиалд маш идэвхтэй байх болсон учир интернэт хэрэглэгчдийн зарим үгэнд хариулахдаа охин Микелладаа таван жилийн өмнө санал худалдан авч түрүүлгэсэн тухай яриа дахин гарахад “Та наад дургүйцлээ миний хуучин нөхөрт хаягласан нь зөв шүү” хэмээн хариулжээ.
Одоо Алсугийн охин Микелла 16 нас хүрсэн. Тухайн шуугианы дараагаар хэд хэдэн уралдаанд оролцож, том шоу хүртэл хөтлөх болсон юм. Харин Алсу нөхөр Ян Абрамовоосоо салахаар шийдэж, өргөдлөө өгчихөөд байгаа ажээ.
Сэтгэгдэл (0)
Сэтгэгдэл бичигдээгүй байна