Дуучин Жастин Тимберлэйкийг Нью-Йоркийн Хэмптон хавьцаа замын зураас давсан, замын хөдөлгөөний тэмдгийг журмын дагуу дагаагүй зэрэг шалтгааны улмаас түр саатуулагджээ.
43 настай дуучныг баривчилсан цагдаа түүнийг огт таниагүй гэдгээ нуугаагүй гэнэ. Би “Түүнийг танихгүй. Нэрийг нь ч мэдэхгүй. Харин нүд нь улайж, ус гүйчихсэн байсан. Бас согтууруулах ундаа ханхийж байлаа. Анхаарлаа төвлөрүүлж чадахаа больчихсон, үгээ зөөж ядан хариулсан. Ер нь согтууг нь тогтоох бүхий л шалгуурыг даваагүй” хэмээн цагдаа тэмдэглэжээ.
Жастин Тимберлэйк баривчлагдах үедээ “Ингэвэл миний аялан тоглолт баларна шүү дээ” гэхэд цагдаа “Юун аялан тоглолт билээ?” хэмээн асуухад “Дэлхийгээр аялах тоглолт” хэмээн хариулжээ. Түүнийг BMW 2025-тай давхиж явахад нь цагдаа урдуур нь машинтайгаа урдуур нь орж зогсоон, саатуулсан байна. Саатуулахдаа гарт нь гав зүүжээ. Хэдэн цагийн дараагаар сулласан бөгөөд шүүх хурлыг долоодугаар сарын 26-нд товложээ.
Сэтгэгдэл (0)
Сэтгэгдэл бичигдээгүй байна