Дэлхийн шилдэг баритон, МУАЖ Э.Амартүвшин “Макбет” дуурьд дуулж, Гала концертоо хийнэ
Монгол Улсын Ардын Жүжигчин, дэлхийн шилдэг баритон, дуурийн дуучин Э.Амартүвшин эх орондоо "Макбет" дуурийг амилуулж мөн Гала тоглолт зохион байгуулахаар иржээ.
Ж.Вердийн "Макбет" дуурьд энэ сарын 9-нд Дуурь бүжгийн эрдмийн театрт дуулах бол Гала тоглолт нь энэ сарын 10-ны өдөр болох юм байна.
Уг тоглолтод дуурийн театрын шилдэг уран бүтээлчид оролцож дэлхийн суут хөгжмийн зохиолчдын болон Монголын уран бүтээлчдийнхээ оргил болсон бүтээлүүдийг толилуулна.
Дэлхийн шилдэг баритон дуучин маань Улсын Дуурь Бүжгийн Эрдмийн Театртаа дуулаагүй долоон жил болсон аж.
Тоглолтод УДБЭТ-ын гоцлол, найрал дуучид, симфони оркестр бүрэн бүрэлдэхүүнээрээ оролцох юм байна.
Ж.Вердийн "Макбет" дуурийн хувьд 1947 болон 1965 оны хоёр хувилбарыг нийлүүлж тавьж байгаагаараа онцлог гэдгийг УДБЭТ-ын уран бүтээлчид тэмдэглэж байсан юм.
Уг дуурийг Монгол Улсын бахархал болсон дэлхийн шилдэг дуучнаар дуулуулах гэж байгаа нь алдаж болохгүй боломж учир дэргэдээс нь ирж, ур чадвар, авьяас билгийг нь бахархан гайхалтай дуу хоолойг нь сонсохыг урьж байлаа.
Сэтгэгдэл (0)
Сэтгэгдэл бичигдээгүй байна