ОХУ-ЫН ДОТООД ХЭРГИЙН ЯАМНЫ ХАРЬЯА ИХ, ДЭЭД СУРГУУЛИЙН БАКАЛАВРТ ЭЛСҮҮЛЭХ СОНГОН ШАЛГАРУУЛАЛТ ЗАРЛАВ

Монгол Улсын Хууль зүй, дотоод хэргийн яам, Оросын Холбооны Улсын Дотоод хэргийн яам хоорондын хамтын ажиллагааны хэлэлцээрийн хүрээнд Хууль зүй, дотоод хэргийн сайдын эрхлэх асуудлын хүрээний харьяа Цагдаагийн ерөнхий газар, Шүүхийн шийдвэр гүйцэтгэх ерөнхий газар, Шүүх шинжилгээний ерөнхий газрын захиалгаар 2026-2027 оны хичээлийн жилд Оросын Холбооны Улсын Дотоод хэргийн яамны харьяа их, дээд сургуулийн бакалаврт элсүүлэн суралцуулах сонгон шалгаруулалтыг зарлаж байна.

Элсэгчдэд тавигдах нийтлэг шаардлага:

- Орос хэлний мэдлэгтэй;
- Бие бялдрын болон сэтгэцийн эрүүл мэндийн зохих шалгуурыг хангасан байх;
- Ял шийтгэлгүй;
- 17-25 хүртэл насны.
Бакалаврт /бэлтгэл/ тавигдах шаардлага:

1. Алба хаагчдад тавигдах тусгай шаардлага:

-Захиалагч байгууллагад 3-аас доошгүй жил А, В буюу түүнтэй тэнцэх үнэлгээтэй
ажилласан байх;
-27 хүртэл настай байж болно;
- Албаны сахилга, ёс зүйн зөрчил дутагдал гаргаж байгаагүй байх.

2. Иргэдэд тавигдах тусгай шаардлага:

- Бүрэн дунд боловсролтой, ерөнхий боловсролын сургуулийг А, В үнэлгээтэй
суралцаж төгссөн, төгсч байгаа эсхүл магадлан итгэмжлэгдсэн их, дээд
сургуулийн 1-2 дугаар дамжаанд 3.4-өөс дээш голч дүнтэй суралцаж байгаа;

Бүрдүүлэх материал:
- Иргэний үнэмлэх нотариатаар баталгаажуулсан хуулбар;
- Боловсролын гэрчилгээ, диплом эх хувиараа болон нотариатаар баталгаажуулсан хуулбар;
- Албан хаагчид ажлын газрын тодорхойлолт;
- Гурван үеийн намтар;
- Иргэний ял шийтгэлтэй эсэх талаар лавлагаа;
- Одоо суралцаж буй оюутан бол сургуулийн тодорхойлолт, сургалтын голч дүнгийн хуулбар;
- Төрийн албан хаагчийн анкет;
- 3*4 хэмжээтэй цээж зураг 4 хувь;
- Гадаад паспортын хуулбар;
- Бүртгэлийн хураамж 80.000/бэлэн/ төгрөг.

Бүртгэл:
Бүртгүүлэгч нь 2026 оны 04 дүгээр сарын 09-ний өдрөөс 05 дугаар сарын 06-ны өдрийн 17.00 цаг хүртэл суралцах чиглэлийн дагуу захиалагч байгууллага /ЦЕГ, ШШГЕГ, ШШЕГ, ДХИС/-д бүртгүүлнэ.

Жич: Бүртгүүлэгч нь мэргэжлийн чиглэлийг сонгон бүртгүүлэх бөгөөд бүртгүүлснээс хойш мэргэжлийн чиглэлийг солих, өөрчлөх боломжгүй.

Эх сурвалж: Хууль зүй, дотоод хэргийн яам