Баянзүрх дүүргийн иргэдийн Төлөөлөгчдийн Хурлын дарга Ч.Мэндсайхан дүүргийн хэмжээнд үйл ажиллагаа явуулж буй төрийн өмчийн 61 цэцэрлэгийн эрхлэгч, арга зүйч нартай уулзаж боловсролын салбарыг түшиглэн хүүхдийн хөгжлийг дэмжих чиглэлээр 2026 онд хэрэгжүүлэх 10 цогц хөтөлбөрөө танилцуулжээ.
Дүүргийн нийт цэцэрлэгийн хэмжээнд “Хөгжлийн хавтас” төслийг хэрэгжүүлэх нь олон улсын жишигт нийцсэн, хүүхдийн хөгжилд багш төдийгүй эцэг эхийн оролцоог нэмэгдүүлсэн ажил болно хэмээн дэмжсэн байна.
Мөн өнгөрсөн онд 337, 345 дугаар цэцэрлэгт Аюулгүй амьдрах ухааны танхимыг байгуулсан нь сургалтын үр дүнгээ өгсөн учраас 2026 онд дахин 5 сургууль, 5 цэцэрлэгт байгуулахаар болжээ.
Роботын боловсрол STEAM төслийг анх зөвхөн ЕБС-иудад хэрэгжүүлэхээр төлөвлөж байсан ч ихэнх цэцэрлэгт энэхүү хөтөлбөр хэрэгжих суурь нь тавигдсан учраас цэцэрлэг бүр энэхүү төслийг хэрэгжүүлээд явах боломжтой гэв.
Мөн уулзалтын үеэр УИХ-ын гишүүн, Засгийн газрын гишүүн, Барилга, хот байгуулалт, орон сууцжуулалтын сайд Энхтайваны Бат-Амгалан “Сүүн дархлаа” хөтөлбөр хэрэгжиж буйтай холбоотой 61 цэцэрлэгт 290 литрийн багтаамжтай хөргүүр өгснийг цэцэрлэгүүдийн төлөөлөлд хүлээлгэн өгчээ.
Баянзүрх дүүргээс боловсролын салбарыг дэмжих нэгдсэн бодлогыг шат шатандаа хэрэгжүүлэн ажиллаж байна.
Сэтгэгдэл (0)
Сэтгэгдэл бичигдээгүй байна