Оскарын хошой шагналт жүжигчин Скарлетт Йоханссон алдарт найруулагч Вуди Алленыг дэмжсэн нь түүний карьерт нөлөөлсөн эсэхийг мэдэхэд бэрх гэжээ. Скарлетт Йоханссон кино найруулагч Вуди Аллентай олон жилийн турш нөхөрлөсөн. Аллены гурван кинонд тоглосон жүжигчин бүсгүй бэлгийн хүчирхийллийн гэх дуулиант асуудлын дараа найруулагчийг дэмжиж, түүний талд байсан нь Холливуд дахь карьерт нь нөлөөлсөн эсэхэд эргэлзэж байгаагаа Telegraph сонинд ярьжээ.
"Вудитэй нөхөрлөж, дэмжиж байсан нь карьерт минь нөлөөлсөн эсэхийг сайн мэдэхгүй байна. Ээж минь намайг өөрийнхөөрөө, үнэнч шударга байх нь чухал гэж сургасан. Өөрийнхөө итгэж байгаа зүйлийнхээ төлөө зогсохыг үргэлж урамшуулдаг байсан." гэж тэр хэлсэн байна. Йоханссон өмнө нь 2019 онд Алленыг өмөөрч, "Би Вудид хайртай, түүнд итгэдэг. Би түүнтэй хэзээ ч хамтран ажиллахад бэлэн" гэж байсан билээ.
Вуди Алленыг эхнэрийнхээ дагавар охин Дилан Фарроуг бага байхад нь бэлгийн хүчирхийлэл үйлдсэн хэмээн буруутгаж, шуугиан дэгдэж байсан. 2021 онд тэрбээр "Аллен Фароугийн эсрэг" баримтат киноны нэг хэсэгт үүнийг няцааж, өөрийн түүхийг анх удаа олон нийтэд ярьсан юм. Оскарын дөрвөн удаагийн шагналт найруулагч дээрх мэдээллийг байнга няцаасаар ирсэн бөгөөд албан ёсоор түүнийг гэмт хэрэгт буруутгаж шийтгээгүй.
Йоханссон Аллентай өөрийн карьерынхаа туршид алдарт найруулагчтай 2005 онд Match Point, 2006 онд "Scoop", 2008 онд "Vicky Christina Barcelona" кионуудад хамтран ажилласан юм.
Аллен Билл Махерын подкастад ярилцлага өгөхдөө өөртэй нь холбоотой бэлгийн хүчирхийллийн гэх асуудал, түүнээс үүдсэн уран бүтээлийн хоригийг хөндсөн асуудлын талаар "гомдоогүй" гэж хэлжээ.
"Би аль эрт 80 нас хүрсэн. Маш олон кино хийсэн бөгөөд болж өнгөрсөн явдалд би гомдоогүй” гэж тэр хэлсэн хэдий ч мөрдөн байцаалт болон шүүхийн тогтолцоонд "сэтгэл дундуур" байснаа илэрхийлсэн байна.
Хүмүүс ар араасаа худал мэдүүлэг өгсөн. Гэтэл түүнийг нотлохгүйгээр энэ хууль зөрчсөн юм биш үү гэж бодсон нь гайхшрал төрүүлсэн. Энэ нь процессын хувьд хууль зөрчсөн, гэхдээ хэн ч энэ талаар юу ч хийгээгүй гэсэн байна.
Тэрбээр цааш нь болж өнгөрсөн зүйлийн талаар "олон талаараа маш сонирхолтой, хөгжилтэй” гээд "Гэхдээ түрүүн хэлсэнчлэн би маш олон кино хийж, хувийн санхүүгийн нөөцөө хуримтлуулсан учраас энэ нь надад хохирол учруулаагүй. Хэрвээ би 40, 50 эсвэл 30 настай байсан бол энэ нь маш их их хэцүү байх байсан” гэж ярьжээ.
Сэтгэгдэл (0)
Сэтгэгдэл бичигдээгүй байна