Алдарт Майлк Жексоны тухай намтарчилсан кинонд түүний дүрийг Жаафар Жексон бүтээнэ.
Жаафар Жексон бол The Jackson 5-ын гишүүн гэдгээрээ алдартай Жермейн Жексоны хүү юм. Найруулагч Антуан Фукуа, продюсер Грэхэм Кинг нарын бүтээл уг кино 2026 оны 4-р сарын 24-нд нээлтээ хийнэ.
Фукуа Variety сэтгүүлд өгсөн ярилцлагадаа "Жаафар Майклын дүрийг амилуулж байгааг харах үнэхээр сэтгэл хөдөлгөм" гээд "Майклыг дуурайх төрөлхийн чадвартай, камерын өмнө маш сайн хувирдаг Жаафартай анх танилцах үед л нэг тийм сүнслэг холбоог мэдэрсэн." гэжээ.
Намтар кинонд Майкл Жексоны амьдралын бүхий л талыг харуулах бөгөөд "түүнийг бүх цаг үеийн хамгийн агуу дуучин болоход хүргэсэн хамгийн гайхалтай үзүүлбэрүүдийг нь багтаана” гэсэн байна. Мөн алдарт дуучинтай холбоотой маргаантай асуудлуудаас ч зайлсхийхгүй гэжээ.
2025 оны 11-р сарын тизер трейлерийн үеэр Жаафарын бүтээсэн дүрийг олж харсан бөгөөд залуу од авга ахынхаа гайхамшигт бүжгийг хуулбарласан анхны бичлэгээ дэлгэсэн юм.
Жаафар бол Майкл Жексоны ах Жермейн Жексон, Александра Женевьев Оазиаза нарын хүү бөгөөд 1996 оны долдугаар сард төрсөн.
Жермейн Жексон 5-ын гишүүн гэдгээрээ алдартай дуучин, ая зохиогч, продюсер юм.
Жаафар 12 настайгаасаа эхлэн дуулж, бүжиглэсэн бөгөөд 2019 онд өөрийн авьяас чадвараа харуулсан "Got Me Singing" дууныхаа клипний хамт анхны синглээ гаргасан.
Жаафар 2015 онд "The Jacksons: Next Generation" кино, Тито Жексоны 2021 оны "Love One one" дууны клип зэрэг болон олон жилийн турш гэр бүлд чиглэсэн хэд хэдэн төсөлд тоглож байсан бөгөөд дэлгэцийн бүтээлд шинэ хүн биш юм.
Жаафар "Авга ах Майклынхаа түүхийг амилуулж байгаа минь нэр төрийн хэрэг." гэжээ.
Сэтгэгдэл (0)
Сэтгэгдэл бичигдээгүй байна