Тейлор Свифтийн өнгөрсөн баасан гарагт /2025.10.03/ гарсан шинэ цомгийн нэгэн дууг фэнүүд нь онцолж, хэнд зориулсан талаар нь таамаг дэвшүүлцгээж байна.
“Actually Romantic” нэртэй энэ дууг хүмүүс дуучин Charli XCX (Шарлотта Эйтчисон) -д зориулагдсан байж магадгүй гэцгээж байгаа юм.
35 настай поп од Тейлор Свифт хэнд зориулж дуулсан талаараа хэлээгүй ба сонсогчдыг үүнд анхаарал хандуулж буйд егөөдөнгүй байдлаар талархал илэрхийлжээ.
Actually Romantic бол Тейлор Свифтийн “The Life of A Showgirl” хэмээх цомгийн 7 дахь дуу юм.
Энэ дуу нь Свифтийг “уйтгартай Барби" гэж хэлж, түүнийг үзэн яддаг талаараа дуулсан нэгэн дуучинд зориулагдсан гэж үзсэн олон нийт "эзнийг нь хайж" байгаа юм.
Цахим ертөнцөд тааварлагчдын олонх нь үүнийг Charli XCX-ын Brat цомгийн “Sympathy is a Knife” дуунд өгсөн хариулт гэж үзэж байна.
Уг дуунд Жорж гэсэн нэр дурдаггдаг бөгөөд Charli XCX-ийн тухайн үеийн найз залуу, одоогийн нөхөр Жорж Даниел нь “The 1975” хамтлагийн бөмбөрчин юм. Мөн Тэйлор Свифт нь тухайн хамтлагийн ахлагч Мэтти Хэллитэй богинохон хугацаанд болзож байжээ.
Дуучин бүсгүйчүүдийн хэн нь ч энэ дуунуудыг нь биестээ зориулсан гэж хэлээгүй байна. Гэвч дууны эзэн хэн болох талаар яриа олны дунд улам өрнөсөөр байгаа юм.
Өнгөрсөн жил Нью Иорк сэтгүүлийн сурвалжилгын үеэр Тейлор Свифт Charli XCX-ийг магтаж, 2011 онд “Stay Away” дууг сонсcоноос хойш түүний уянгалаг мэдрэмжид автсан гэж хэлж байжээ.
Э.НАРАН
Сэтгэгдэл (0)
Сэтгэгдэл бичигдээгүй байна