Монголын Үндэсний морьт харвааны үүсгэн байгуулагч Б.Болдбаатар 18 морийг нь хулгайлж, бүгдийг нь устгасан талаар цахим хуудастаа ийнхүү бичжээ.
Б.Болдбаатар "МОРЬТ ХАРВААНЫ МОРЬДЫГ ХУЛГАЙЛЖ ГАНЦЫГ Ч ҮЛДЭЭЛГҮЙ БҮГДИЙГ АЛЖ УСТГАЖЭЭ
Энэ хүмүүс Монгол хүн мөн үү???
2025 оны 6 сарын 7 -ны өглөө 04:30 минутанд Жаргалантын амнаас морьт харвааны сургалт болон Улсын их баяр наадамд бэлтгэн оролцуулдаг 18 морьдыг бүгдийг хулгайлан баруун хойш тууж одсон юм…
Адуу хулгайлаад хөөж яваа бичлэгүүдийг цагдаа нарын хамт үзэх болгондоо л морьдоон өрөвдөөд, нулимс тогтохгүй асгараад л байсан юмсан.
Эцэст нь аргамаг сайхан хүлгүүдийн минь үхлээр төгссөнд үнэхээр, үнэхээр харамсаад ч барахгүй юм даа.
Даан ч дээ нээрэн.
Энэ жил 8 сард Монгол улсад зохион байгуулагдах 17 дахь удаагын Дэлхийн аварга шалгаруулах тэмцээнд Монгол улсын шигшээ багийн тамирчид болон Олон улсын шилдэг тамирчид унах аргамаг сайхан хүлгүүд минь байлаа.
Морьт харваа тун удахгүй Азийн их наадам болон Олимпийн төрөлд орно!!!
Морьт харвааны төрлөөс ОЛИМП-н аварга төрөн гарахад эдгээр хүлгүүдийн минь хүч үнэхээр их хэрэгтэй байлаа.
Хайран сайхан гэм зэмгүй сайхан хүлгүүд минь" гэсэн байна.
Цагдаагийн байгууллагаас өгсөн мэдээллээр Улсын баяр наадмын нээлт болон олон улсын морьт харвааны тэмцээнд оролцохоор тусгайлан сургасан 18 адуу хулгайлсан хэрэгт сэжиглэн 18-29 насны зургаан залууг баривчилан шалгаж байна. Морьдыг бүгдийг нь бойны газар өгч төхөөрүүлсэн байсан бөгөөд Морьт харвааны зарим шавь нар нь энэ хэрэгт оролцсон байжээ.
Сэтгэгдэл (0)
Сэтгэгдэл бичигдээгүй байна