Эх орныхоо баруун, зүүн, өмнөд, хойд хязгаарт орших Соёмбот баганыг Монгол Улсын төв цэгтэй холбосон 5000 км зам гүйх Зэвсэгт хүчний 123 дугаар ангийн хөгжимчин, цэрэгжлийн спортын мастер, ахлах ахлагч Э.Даваажамц, Зэвсэгт хүчний 234 дүгээр ангийн гүүрчин аврагч, спортын мастер дэд ахлагч Б.Буянхишиг нар 1172 км замыг амжилттай туулж, Баянхонгорын баганат талбайд очиход аймгийн болон цэргийн байгууллагын удирдлагууд, ард иргэд угтжээ.
"Монголын хэт холын марафон гүйлтийн холбоо"-ны салбар зөвлөлийн гишүүд, гүйлтээр хичээллэдэг оюутан сурагчид мөн угтан авч, тодорхойг зайг хамтдаа туулсан байна.
Э.Даваажамц, Б.Буянхишиг нар Баян-Өлгий, Ховд, Говь-Алтай аймгийн нутаг дэвсгэрийг туулж, өнөөдөр /2025.04.27/ 26 дахь өдрөө гүйж байна.
Тамирчид өдөрт тооцооллын дагуу дунджаар 50-55 км гүйхдээ өглөө нар ургахтай зэрэгцэн гүйлтээ эхлүүлж, өдрийнхөө замын 70 хүртэлх хувийг нь туулаад, түр амарсны дараа үлдсэн хэсгээ гүйцээн гүйж байгаа аж.
Гүйгчид маргааш өглөө тав дахь аймаг буюу Өвөрхангайн зүгт гүйлтээ үргэлжлүүлнэ.
Сэтгэгдэл (0)
Сэтгэгдэл бичигдээгүй байна