Монгол Улсын үзэсгэлэнт байгаль, тусгаар тогтнолын үнэ цэнийг илэрхийлэх Соёмбот багануудыг эргэхээр гараанаас гарсан Зэвсэгт хүчний 123 дугаар ангийн хөгжимчин, цэрэгжлийн спортын мастер, ахлах ахлагч Э.Даваажамц, Зэвсэгт хүчний 234 дүгээр ангийн гүүрчин аврагч, спортын мастер дэд ахлагч Б.Буянхишиг нар 23 дахь өдрийн байдлаар 1050 км замыг туулав.
Тэд Баянхонгор аймгийн Бөмбөгөр сумын нутагт энэ өдөр хүрсэн бөгөөд 23 хоногт 1050 км замыг туулсан амжилтаар Монгол Улсын хэт холын зайн гүйлтийн эмэгтэйчүүдийн амжилтыг дэд ахлагч Б.Буянхишиг шинэчилжээ.
Эмэгтэйчүүдийн төрөлд 2021 онд Хил хамгаалах байгууллагын алба хаагч ахлах ахлагч Т.Рэнцэнбадам 1047 км замыг 48 хоног туулсан амжилтаар Монгол Улсын хэт холын зайн рекорд амжилтыг эзэмшиж байсан юм.
Харин 2025 оны 4 дүгээр сарын 24-ний өдрийн 20.00 цагт энэхүү амжилтыг чөлөөт бөхийн улсын аварга спортын мастер дэд ахлагч Б.Буянхишиг шинэчилжээ.
Эмэгтэйчүүдийн хэт холын зайн рекордыг шинэчилсэн дэд ахлагч Б.Буянхишигт "Таван цэг" багийнхан болон түүний аав, ээж баяр хүргэж, урд нь хүлээж байгаа 3950 км замыг хамтдаа туулахад нь амжилт хүссэн байна.
Ташрамд дурдахад, Монгол Улсын хэт холын зайн гүйлтийн тамирчдын амжилтаас дурдвал
1. Б.Болдбаатар 2020 онд 1040 км 34 хоног
2. Б.Болдбаатар 2021 онд 1250 км 41 хоног
3. Ахлах ахлагч Э.Даваажамц 2021 онд 2127 км 46 хоног
4. Ахлах ахлагч Т.Рэнцэнбадам 2021 онд 1047 км 48 хоног
5. А.Бат-Амгалан 2021 онд 2690 км 45 хоног
6. Ахлах ахлагч Ч.Батжаргал 2022 онд 1700 км 17 хоног
7. Спортын мастер Э.Ганбат 2023 онд 2345 км 28 хоног
8. Б.Буджаргал 2024 онд 5000 км зам 48 хоног /АНУ-д Нью-Йорк хотод тойргоор гүйсэн/ зэрэг амжилтыг тогтоосон байдаг.
Эх сурвалж: Зэвсэгт хүчний жанжин штаб
Сэтгэгдэл (0)
Сэтгэгдэл бичигдээгүй байна