Зэвсэгт хүчний баг тамирчид Монголын туухайт спортын холбооны насанд хүрэгчдийн улсын аварга шалгаруулах анхдугаар тэмцээнд амжилттай оролцож, 32 алт, 36 мөнгө, 13 хүрэл буюу нийт 81 багц медаль хүртсэн амжилтаар байгууллагын төрөлд тэргүүн байр эзэлжээ.
Мөн эрэгтэй, эмэгтэй багийн буухиа төрөлд тус тус мөнгөн медаль хүртэж, тэмцээний "Эрэгтэй шилдэг тамирчин"-аар ахлах дэслэгч Ц.Ганбаатар (336 дугаар анги) тодорсон байна.
Анхдугаар тэмцээнд 25 байгууллага, клубын 300 гаруй тамирчин оролцсон бөгөөд Зэвсэгт хүчний 12 нэгтгэл, ангийн 48 тамирчин ур чадвараа сорин өрсөлдөж, бахдам амжилт үзүүлж чаджээ.
Зэвсэгт хүчний баг тамирчдын ерөнхий дасгалжуулагчаар ЗХЖШ-ын Сургалт бэлтгэлийн газрын Цэргийн биеийн тамир спортын тасгийн мэргэжилтэн дэд хурандаа С.Энхтайван, эрэгтэй багийн дасгалжуулагчаар хошууч Н.Мөнхболд(327 дугаар анги), эмэгтэй багийн дасгалжуулагчаар ахмад Н.Ууганцэцэг (БИЦУГ) нар ажилласан юм.
Эх сурвалж: Зэвсэгт хүчний жанжин штаб
Сэтгэгдэл (0)
Сэтгэгдэл бичигдээгүй байна