Америкийн рэппер Канье Уэст болон түүний эхнэр Бианка Ченсори нарыг 67 дахь Грэммийн шагналын ёслолын арга хэмжээнээс хөөжээ. Хосуудыг урилгагүйгээр уг арга хэмжээнд ирсэн гэж хэвлэлүүд мэдээлж байна.
Канье Уэстийн эхнэр, Австралийн загвар өмсөгч, архитекторч Бианка Ченсори зоримог үйлдлээрээ олон нийтийг гайхшруулсан тохиолдол цөөнгүй. Гэвч Грэммийн шагналын ёслолд зориулан түүний сонгосон "нүцгэн" даашинз нь уг арга хэмжээний зочид болон олон нийтийн сүлжээний хэрэглэгчдэд таатай санагдаагүй байна.
Тэрбээр ёслолын үйл ажиллагаанд ирээд зурагчид хосын зургийг авмагц гадуурх хувцсаа шалан дээр шидсэн бөгөөд "нүцгэн" байсан нь олныг гайхшруулж, бас дургүйцэл төрүүлжээ. Канье Уэстээс ямар ч зан гарч мэднэ гэж хүмүүс харж байсан ч эхнэрийг нь бүрэн нүцгэн харахад бэлэн биш байсан нь тодорхой болсон байна.
Рэппер өөрөө маш даруухан, хар жинс, футболк өмссөн байсан ч эхнэрийнхээ олны өмнө нүцгэн харагдах шийдвэрийг Канье Уэст гаргасан гэдэгт хүмүүс итгэлтэй байгаа аж. Олон нийтийн сүлжээнд үүнийг зохисгүй үйлдэл хэмээн шүүмжилж байна.
Сэтгэгдэл (0)
Сэтгэгдэл бичигдээгүй байна