Боловсролын сайд П.Наранбаяр болон Боловсролын яамны удирдлагууд өнөөдөр Монгол Улсын Боловсролын Их Сургууль дээр ажиллалаа. Энэ үеэр МУБИС-ийн хөтөлбөрүүдийн талаар тус сургуулийн удирдлага, багш нартай санал бодплоо солилцсон юм.
МУБИС нь улсын хэмжээнд багш нарын 50 орчим хувийг дангаар бэлтгэн гаргаж буй төрийн өмчийн сургууль юм. Хөтөлбөрүүдийн 30 орчим хувь нь багш бус чиглэлийн мэргэжлийн хөтөлбөр байдаг. Багш бус олон чиглэлээр мэргэжилтнүүд бэлтгэх шаардлага бага тул хосмог мэргэжлийн хөтөлбөрүүд бий болгохыг бодлогын түвшинд ярилцаж буйг Боловсролын сайд П.Наранбаяр уулзалтын үеэр онцложээ.
Мөн ялгаатай хэрэгцээтэй хүүхэд, иргэдэд боловсролын үйлчилгээг тэгш хүргэх нь нэн чухал байгаа тул багшийн хөтөлбөрт тэгш хамран сургах чиглэлийн агуулгыг заавал судлах кредит байдлаар оруулах, бакалавр болон магистрын түвшний элсэлтийг нэмэгдүүлэх, хичээл сургалтын 20 хүртэлх хувийг англи хэлээр заадаг болох, цахим сургалтыг хөгжүүлэх чиглэлд анхаарах шаардлагатай байгаа талаар уулзалтад оролцогчид санал бодлоо хуваалцсан байна.
Түүнчлэн элсэлтийг нэмэгдүүлэхийн тулд оюутан, төгсөгч, багш нарыг гадаадад суралцуулах, чадавхжуулах, их сургуулиуд хооронд кредит солилцох боломжийг бий болгоход дэмжлэг үзүүлэхээ Боловсролын яамны удирдлагууд илэрхийлжээ.
Сэтгэгдэл (0)
Сэтгэгдэл бичигдээгүй байна