Роналдогийн ээжийг Мариа Долорес гэдэг. “Хүү минь архи, тамхи хүнийг ямар байдалд хүргэдгийг өөрийн нүдээр үзэж, зүрхээр мэдэрсэн. Тэр энэ зовлон, шаналлаас үргэлж зөв шийдвэр гаргаж, зоригтой алхам хийж чаддаг байсан тулдаа өнөөдөр өдий зэрэгт хүрсэн юм шүү. Манай гэр бүлд тохиолдсон явдал яагаад Роналдо ямар ч муу зуршилд автдаггүйг танд ойлгуулах байх. Тэр тамхи татдаггүй, архи уудаггүй. Түүний амьдралын ганц хүсэл тэмүүлэл нь хөлбөмбөг. Хүүгийн минь эцэг Динис архинд хэтэрхий донтсоноосоо болоод нас барсан. Роналдо тэр үед хичнээн шаналж байсан гээч. Уг нь аавыгаа архинаас гаргахын тулд тэр эмчилгээний зардлыг байнга өгдөг байсан юм. Гэвч Динис дахиад уучихна. Тэгээд дөнгөж 52 насандаа өөд болсон. Кристиано маань эцэгтэйгээ их дотно өссөн юм. Тэр аавдаа ямар хүн болсноо харуулахыг маш их хүсдэг байсан. Ингэж бодохоор үнэхээр харамсалтай шүү. Хүү нь өнөөдөр дэлхийн шилдэг хөлбөмбөгчин боллоо шүү дээ. Аав нь хичнээн баярлах байсан бол доо, хөөрхий” гэж Мария Долорес ярьсан байдаг.
... Дэлхийн шилдэг хөлбөмбөгчин Кристиана Роналдо Сан-Антониу дүүрэг дэх жижигхэн байшинд амьдарч асан бяцхан хүү хоёрын амьдралд асар их зөрүү бий. Түүний ээж Долорес дөрвөн хүүхдээ /хоёр охин, хоёр хүү/ тэжээхийн тулд тогооч, цэвэрлэгчээр ажиллаж байжээ.
Хуучин байшингийнхаа тухай Долорес “Одоо байгаа энэ байшингаас тэр байшин маань тэс өөр л дөө. Гэхдээ л тэнд бид 24 жил амьдарсан. Манчестерт байж байтал манай хуучин хөрш ярьж, өнөөх байшинд маань хулгайч ороод цонх, хаалгыг нь аваад явчихсан тухай хэлсэн. Тэр байшин миний сэтгэлд маш үнэтэй. Тийм болохоор одоо тийм байдалтай байгаад нь сэтгэл өвдөөд байх юм” гэж ярьсан байдаг.
Энгийн нэгэн амьдралд нухлуулсан авгай Долоресийг одоо танихад хэцүү.
Өнөөдөр Долорес тансаг байрныхаа аль нэгэнд хүссэн цагтаа очиж жаргалтай амьдардаг.
Р.МӨНХДАВАА “КРИСТИАНА РОНАЛДО БӨМБӨГТЭЙ ХҮН” НОМООС /2009 он/
Сэтгэгдэл (3)