“Миннесота”-гийн Энтони Эдвардс хэрвээ ойрын 3-4 жилд NBA-гийн аварга болж чадвал NFL-ийн тамирчин болж, өөрийгөө сорино хэмээн мэдэгдсэн. Тэгвэл Винс Картер түүний энэ ярианд ийм сануулга хэлжээ.
“Өөртөө итгэлтэй зан чанар нь таалагдаж байна. NBA-д тоглоно гэдэг тийм ч амар зүйл биштэй адил хөлбөмбөгийн талбайд гарах ч бас амар биш шүү! Маш хүчтэй мөргүүлж, түлхүүлбэл чи яах бол? Шууд босоод үргэлжлүүлээд тоглож чадах уу? Эсвэл “За больё” гэж бодох болов уу? NBA-гийн зарим залуус тоглолтын үеэр жаахан түлхүүлчихээд үргэлжлүүлж ч чадахгүй байгаа л харагдах юм. Тийм залуус бол америк хөлбөмбөг тоглоно гэлтгүй.
Эдвардс бол яалт ч үгүй биеийн хүч, биеийн бэлтгэлийн хувьд Леброн Жэймс, Ти Мак болон Майкл Жордан нарын адил өөр мэргэжлийн спортоор хичээллэж чадахаар тамирчин. Ер нь NBA-д америк хөлбөмбөг тоглочихоор залуус байгаа юу гэвэл байгаа. Үүнтэй адил NFL-ээс ч NBA-д тоглочихоор залуус олдоно шүү” хэмээн Винс Картер өгүүлжээ
Сэтгэгдэл (0)
Сэтгэгдэл бичигдээгүй байна